Nêçîrvan Barzanî bo Encûmena Asayişa Navdewletî: Alîkar bin di çareseriya pirsgirêkên Hewlêr û Bexdayê de

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

SAT, 29 JUN 2019 19:56 | KDP.info

Bexda-KDP.info- Serokê Herêma Kurdistanê Nêçîrvan Barzanî û Seroka Parlamentoya Kurdistanê Dr. Vala Ferîd li Bexdayê ligel şanda Encûmena Asayişa Navdewletî civiyan û di wê hevdîtinê de Nêçîrvan Barzanî ji şanda mêvan re got, Herêma Kurdistanê dixwaze ji bo çareserkirina kêşe û pirsgirêkên di nvabera Hewlêr û Bexdayê de, Neteweyên Yekgirtî (NY) bi rola xwe rabe û alîkar be û piştgiriya çareseriyê bike.

Îro Şemiya 29.6.2019 Li Bexdayê Nêçîrvan Barzanî û Dr. Vala Ferîd û hejmareke din ji berpirsên Herêma Kurdistanê ligel her 15 endamên Encûmena Asayişa Navdewletî û nûnera taybet a sekreterê giştî yê Neteweyên Yekgirtî li Iraqê, civiyan.

Di civînê de endamên Encûmena Asayişa Navdewletî kêfxweşiya xwe bi civîna ligel Nêçîrvan Barzanî nîşan dan û pîrozbahî lê kirin ji ber destbikarbûna wî wek serokê nû yê Herêma Kurdistanê.

Ji aliyê xwe ve, Nêçîrvan Barzanî behsa rewşa dijwar a ku bi ser Herêma Kurdistanê de hat, kir û behsa şerê DAIŞê û qonaxa niha û pêşerojê jî kir. Nêçîrvan Barzanî tekez kir ku Herêma Kurdistanê amade ji bo pêşxistina pêwendî û têkeliyên xwe ligel ligel Hikûmeta Iraqê û ji bo çareserkirina kêşe û pirsgirêkên di navbera Hewlêr û Bexdayê de li ser bingeha Destûrê Iraqê, ji bo vê yekê jî pêwîstî bi rol û piştgîrî û alîkariya Neteweyên Yekbûyî heye.

Serokê Herêma Kurdistanê Herwiha tekez kir li ser giringiya alîkarî û hevahengiya di navbera Herêma Kurdistanê û Hikûmeta Iraqê û Hevpeyamniya Navdewletî ji bo rûbirûbûna metirsiya terorê, nexasim jî li navçeyên madeya 140 û derbarê vê yekê de tekez kir li ser giringiya alîkariya Neteweyên Yekgirtî, herwiha spasiya rola Hevpeymaniya Navdewletî kir li ser piştgîriyên wê ji bo Herêma Kurdistanê û Iraqê û di şikandina terorê de.

Di wê civînê de, herdû aliyan behsa rewşa navçeyê bi giştî kirin û herwiha behsa avakirina hikûmeta nû ya Kurdistanê jî kirin, û behsa pêwendiyên Herêma Kurdistanê ligel welatên cîran kirin û herwiha behsa çaksazî û reforman û derfetên kar û veberhênanê li Kurdistanê kirin. Herdû aliyan behsa avedankirina navçeyên ku ji ber şerê DAIŞê ziyan dîtine, kirin û behsa vegera koçberên Iraqê bo ser mal û halê wan kirin.

Nûçeyên din

Peyamek ji Serok Barzanî

WEDNESDAY, 30 SEPTEMBER 2026 15:09:28

Hewlêr-KDP.info: Serok Mesûd Barzanî bi boneya bidawîhatina fermî ya erkê serbazî ya hêzên Hevpeymaniya Navdewletî ya li Iraq û Herêma Kurdistanê peyamek belav kir. Serok Barzanî xelkê Kurdistanê dilniya kir ku parastina Herêmê di destên ewle de ye. Herwiha hişyariyeke tund jî da wan aliyên ku xeyala têkdana aramiya Herêma Kurdistanê dikin.

Serokê Herêma Kurdistanê pêşwaziyê li Lord Michael Ashcroft kir

TUESDAY, 29 SEPTEMBER 2026 21:09:36

Hewlêr-KDP.info: Îro Sêşem 29/09/2026, rêzdar Nêçîrvan Barzanî, Serokê Herêma Kurdistanê, pêşwaziyê li birêz Lord Michael Ashcroft, Serokê fexrî yê Yekîtiya Navdewletî ya Demokrat (IDU) û siyasetmedar û kesayetiyê diyar ê Brîtanî kir.

Serokê Herêma Kurdistanê spasiya Konsulê Giştî yê Çînê kir

TUESDAY, 29 SEPTEMBER 2026 21:09:33

Hewlêr-KDP.info: îro Sêşem 29/09/2026, rêzdar Nêçîrvan Barzanî, Serokê Herêma Kurdistanê, bi boneya bidawîhatina erkê wî wek Konsulê Giştî yê Komara Gel a Çînê li Herêma Kurdistanê û bi mebesta malavayiyê, pêşwaziyê li birêz Liu Jun kir.

Serok Barzanî pêşwaziya Serokê Fexrî yê Yekîtiya Navneteweyî ya Demokrat (IDU) kir

TUESDAY, 29 SEPTEMBER 2026 19:09:42

Hewlêr-KDP.info: Roja Sêşemê 29ê Îlona 2026an Serok Mesûd Barzanî pêşwaziyê li kesayetiyê navdar ê Brîtanî û Serokê Fexrî yê Yekîtiya Navneteweyî ya Demokrat (IDU) Lord Michael Ashcroft kir.

Mesrûr Barzanî pêşwazî li Serokê Fexrî yê Yekîtiya Navdewletî ya Demokrasiyê kir

TUESDAY, 29 SEPTEMBER 2026 09:09:16

Hewlêr-KDP.info: îro Duşemê, 28ê Îlona 2026ê, Serokê Hikûmeta Herêma Kurdistanê pêşwazî li siyasetvan, xwedîkar û Serokê Fexrî yê Yekîtiya Navdewletî ya Demokrasiyê (IDU) kir; Lord Ashcroft armanca serdana xwe eşkere kir û her du aliyan dîtin û nerînên xwe li ser rewşa giştî ya Herêma Kurdistanê, Îraq û deverê li hev guhertin.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.