Munich-KDP.info- Serokê Herêma Kurdistanê Mesûd Barzanî û Serokwezîrê Tirkiyê Binalî Yildirim li Munichê civiyan û di wê hevdîtinê de pêşhatên navçeyê û navdewletî û jinavbirina terorê gotûbêj kirin.

Civîna Serokê Herêma Kurdistanê Mesûd Barzanî û Serokwezîrê Tirkiyê Binalî Yildirim di çarçoveya beşdariya civîna 53emîn Konferansa Ewlehiyê ya Munîhê de Almanyayê ne.

Di vê çarçoveyê de Mesûd Barzanî ş Bingalî Yildirim hevdîtinek pêk anîn û di wê hevdîtinê de pêşhatên navçeyê û navdewletî û jinavbirina terorê gotûbêj kirin..

Di vê civînê de Sekreterê Partiya Sosyalîst Demokrata Kurdistanê (PSDK) Mihemed Hacî Mehmud, Endamê Mekteba Siyasî ya Yekîtiya Niştimaniya Kurdistanê (YNK) Şêx Cefer Şêx Mistefa, Endamê Mekteba Siyasî ya Partiya Demokrata Kurdistanê (PDK) Emer Osman, Serokê Dîwana Serokatiya Herêma Kurdistanê Fûad Husên, Endamê Serkirdayetiya PDKê Hêmin Hewramî û Birîkarê Wezareta Pêşmerge Enwer Hacî Osman jî hevaltiya Mesûd Barzanî berdar bûn.

Herwiha ji aliyê şanda Tirkiyê ve jî di civînê de Wezîrê Yekîtiya Ewropayê û Sermizakir Omer Çelîk, Wezîrê Derveyî Mevlut Çavoşoglu, Musteşarê Wezareta Derveyî Umît Yalçin, Musteşarê MÎTê Hakan Fîdan, Cîgirê Serokê Giştî yê AK Partiyê Mehdî Eker û Balyozê Tirkiyê li Berlînê Ali Kemal Aydin beşdar bûn.

53emîn Konfransa Ewlekariya Muncihê pêr roja 17ê Sibatê dest pê kir û dê îro seat 16.00 bidawî bibe. Serokê Herêma Kurdistanê Mesûd Barzanî jî bi vexwandinameyeke fermî ji bo vê konfransa giring a ewlekariyê hatiye vexwendin.