Hewlêr-KDP.info- Bi mebesta beşdariya di konferansa bajarê Munich ê Almanya, Serok Barzanî ligel şandeke leşkerî pilebilind ji Hêzên Pêşmerge çû Ewropa.

Îro Pênçşema 16.02.2017 Mesûd Barzanî Serokê Herêma Kurdistanê bi mebesta beşdarîkirina li Konferansa Asayîşa Cîhanî ya li Munich ligel şandeke serbazî û siyasî ya Herêma Kurdistanê li rêya Firokxaneya Hewlêrê ya Navdewletî ber bi derveyî Kurdistanê birê ket.

Li çarçoveya vê konferansê de Serok Barzanî dê ligel hejmarek serkirde û berpirsên siyasî yên welatên beşdarbûyî bicive.

Di vê serdanê de Mihemed Hacî Mehmud Sekreterê Partiya Sosyalîst Demokrat a Kurdistanê û Şêx Cefer Şêx Mistefa Endamê Mekteba Polîtburoya Yekîtiya Niştimaniya Kurdistanê û Ferîqê Yekem Emer Osman Endamê Polîtburoya Partiya Demokrat a Kurdistanê û Fuad Husên Serokê Dîwana Serokayetiya Herêma Kurdistanê û Hêmin Hewramî Endamê Encumena Serkirdayetiya Partiya Demokrat a Kurdistanê û Enwer Hacî Osman Birîkarê Wezareta Pêşmerge, beşdar in.