Hewlêr-KDP.info- Berbijêrê Partiya Demokrata Kurdistanê (PDK) Mesrûr Barzanî bi fermî wek serokwezîrê Herêma Kurdistanê hat hilbijartin.

Îro 11.6.2019 Parlamentoya Kurdistanê bi armanca destnîşankirina berbijêrê lîsteya serkeftî ya hilbijartinê, ku ji Fraksiyona Partiya Demokrata Kurdistanê (PDK) ye, civiya.

Li Parlementoya Kurdistanê berbijêrê PDKê Mesrûr Barzanî ji 97 dengan bi dengên 87 parlamenteran wek serokê hikûmeta Kurdistanê hat hilbijartin.

Parlamentoya Kurdistanê dê îro vê biryarê pêşkêşî Serokê Herêma Kurdistanê Nêçîrvan Barzanî bike û dê ew jî Mesrûr Barzanî erikdar bike ku hikûmeta nû ya Kurdistanê ava bike.