Kurdistan Democratic Party

Renewal  .  Justice  .  Coexistence


 

Parlamenterên Kurdistanê sûnd xwarin

 

Hewlêr-KDP.info- Îro yekemîn civîn a xula pêncem a Parlamentoya Kurdistanê birêve çû û parlamenterên hemû partiyên siyasî sûnda yasayî xwazrin.

Civîna yekem a Parlamentoya Kurdistanê îro hat lidarxistin û hemû partiyên siyasî di civînê de beşdar bûn û sûnda yasayî xwarin.

Li gorî yasaya Parlamentoya Kurdistanê divê her parlamenterek wisa sûnd bixwe: “Ez bi xwedayê mezin sûnd dixwim, ku berjewendiya gelê Kurdistanê û yekîtiya ax û gel û keramet û maf û azadiyên welatiyan û samanên giştî biparêzim û erkê xwe yê endametiya parlamentoyê bi rastî û bi dilsozî cîbicî bikim.”

Civîna parlamentoyê bi serokatiya Parlamenterê PDKê Rêvîng Hirûrî wek parlamenterê herî mezin bi emir, birêve çû. Hêj ti rêkeftineke siyasî di navbera partiyên Kurdistanê de çênebûye ji bo avakirina desteya serokatiya Parlamentoya Kurdistanê.