Hewlêr-KDP.info- Hejmarek serkirdeyên Iraqî bi rêya telefonê ve derencamên hilbijartinê ligel Serok Barzanî nirxandin.

Rojên Sêşema 15.05.2018 û Çarşema 16.05.2018 her yek ji Seyîd Muqteda Sedir Serokê Tevgera Sedir û Hadî Amirî Serokê Hevpeymaniya Fetih û Seyid Amar El Hekîm Serokê Tevgera Hîkme û Heyder Ebadî Serok Lîsta Nesir û Fuad Me'sûm Serokomarê Iraqê bi rêya peywendiyên telefonî ve derencamên hilbijartinê ligel Serok Barzanî nirxandin.

Her di van peywendiyên telefonî de serkirdeyên Iraqî pîrozbahiyên serkeftina lîsta Partiya Demokrata Kurdistanê (PDK) di hilbijartinên Encûmena Nûnerên Iraqê de li Serok Barzanî kirine û di derbarê qonaxa piştî hilbijartinê ligel Serok Barzanî danustandina bîr û ramanan kirine.