Ajans-KDP.info- Parlamenterê HDPê Osman Baydemîr bi tundî li dijî êrişên artêşa Tirkiyê li ser herêma Efrînê ya Rojavayê Kurdistanê derket û ragihand, qesta wê operasyonê dijminatiya Kurdan û qazanckirina hilbijartinan e.

Parlamenterê kurd û nûnerê bajarê Rihayê li parlamentoya Tirkiyê Osman Baydemîr îro li parlamentoyê li ser operasyona Efrînê daxuyaniyek da.

Osman Baydemîr bi tundî li dijî operasyona Efrînê derket û ragihand, qesta wê operasyonê dijmnatiya Kurdan e. Her wiha serokê giştî yê AKPê (Erdogan) dixwaze bi wê operasyonê hilbijartinên bê yên Tirkiyê qazanc bike.

Baydemîr destnîşan kir ku şer li ku derê dibe bila bibe, ew xiyaneta mirovahiyê ye û wiha pê de çû: “HDP dê nebe şirîkê şer. HDP dê nebe şirîkê gunehên we birêz Kurtulmuş. Em her tim li hemberî vê yekê radiwestin.”

Osman Baydemîr wiha got: “Ev ne operasyona Çiqlê Zeytûnê ye, lê operasyona hewldana şandina tabuta ye bo dayîkên Tikriyê. Ka we digot bila dayîk negirîn.”