مەخموور-KDP.info- قایمقامی مەخموور دەڵێت، هەر چەندە دووكەڵ و بۆنی كبریت خەڵكی مەخمووری هەراسان كردووە، بەڵام هیچ هاووڵاتییەك رەوانەی نەخۆشخانە نەكراوە.
(رزگار مستەفا)، بە ماڵپەری فەرمیی پارتی دیموكراتی كوردستانی راگەیاند: "خەڵی مەخموور بە هۆی دووكەڵی نەوتی گەیارەوە كە لەلایەن داعشەوە ئاگری تێ بەردراوە، تاوەكو ئێستا كۆنترۆڵ نەكراوە و خەڵكی هەراسان كردووە".
(مستەفا) گوتیشی، جگە لەوەی كبریتیش كە كارگەكەی لەلایەن داعشەوە تەقێندراوەتەوە، بۆنی زۆری هەیە و خەڵك پێی بێزار بووە، بەڵام بەو هۆیەوە كەس رەوانەی نەخۆشخانە نەكراوە، كە تەندروستیی تێك چووبێت.
بڵند ئیبراهیم