رێبوار حەمەلاو شوانی

هەڵبژاردن وەك بنەمایەكی گرنگ بۆ سیستەمی دیموكراسی بریتی دەبێت لە وەرگرتنی دەسەڵات بەپێی خواست و ویستی هاووڵاتی یاخود گەل بە گشتی، بێگومان هەڵبژاردن گەرانەوەیە بۆ راو ئیرادەی میللەت بۆ دەستنیشانكردنی نوێنەرەكانیان و دووبارە گەرانەوە بۆ دەسەڵاتێكی گەلەری، واتە فەرامۆش نەكردنی تاكی كۆمەڵگا لەچوارچێوەی دیموكراسی و ئازادیدا، ئەمەش خۆی لەخۆیدا هەنگاونانە بەرەو پێشوەبردنی سیستەمی دیموكراسی و گرنگیدان بە ئیرادەی گەل.

هەر بۆیە پارتی دیموكراتی كوردستان، بە برٍوا و متمانەیەكی زۆر ئاڵاهەڵگری و پێشەرەویی دیموكراتی بووە نە تەنها لە سەر ئاستی كوردستان بەڵكو لە سەر ئاستی عێراق و ناوچەكە و برٍوای تەواویی بە بنەماكانی دیموكراسی هەبووە و لە پێناویدا قوربانی داوە و خەباتی كردووە و تا دۆزی رەوای كورد بە دونیا بناسێنیت بۆیە دەنگدان بە لیستەكانی 213 و 76ـی پارێزگاكان، دەبێتە هۆی زیاتر چەسپانی دیموكراتی و هیوا وئاواتی گەلەكەمان بۆ بە دەسهێنانی مافە نەتەوەییەكان نزیكتر دەكاتەوە.

213ی پارتی خاوەن ستراتیژییەكی وایە كە لە هەر هەڵبژاردنێكیدا، لیستی كردار و بەرنامەی خزمەتكردنی هەبێت، نەك لیستی قسە و گوفتاری بێ كردار، بۆیە پێوستە خەڵكی كوردستان و دەنگدەران زۆر هۆشیار وریا بن لەو كەسانەی سیاسەتی بەرزكردنەوەی بەردی گەورە مومارەسە دەكەن، كە تەنها نیشانەی نەهاویشتنە.

لیستی 213 و 76ـی پارتی كاتێك چاوی بە چاوی خەڵك دەكەوێت خۆی بە بەرپرسیار دەبێت بەرامبەر بەو بەڵین و پەیمانەكانی، بۆیە ئەو بریارو بەڵێنانەی كە بە خەڵكی كوردستان داوێتی بە جێی دەگەێنێت. پارتی دیموكراتی كوردستان بە هێزێكی زۆرەوە دەچێتەوە ئەنجوومەنی نوێنەرانی عێراق، تا ئەو كاتەی كە گشت مافە رەوا و دەستوورییەكان جێبەجێ دەكات، واز ناهێنێت.

لە سایەی سیاسەتی حەكیمانەی سەرۆك مەسعوود بارزانی لەناوچەكە و هەرێمی بۆسەركەوتنی گەلەكەمان پەیرەوی دەكات بۆیە پێویستە لەسەر هەرتاكێكی گەلەكەمان بە گروتینێكی كوردانەوە و بە ئەركی سەرشانی خۆمانی بزانین بەشداری بكەین لەهەلبژاردنی ئەم جارە وەك وەفایەك بەرامبەر بەو هەموو قوربانیە و خوێنی شەهیدەكان و ماندووبوونی پێشمەرگە قارەكانەكانمان بە ئەركی نەتەوەیی خۆمان هەڵسین ڕۆژیكی نوێ لەم هەڵبژاردنە بە ڕووی ناوچەكە و جیهاندا بكەینەوە بۆ سەركەوتنی پرۆسەی هەڵبژاردنی ئەم جارە و دەنگی بە لیستی 213ی پارتی بدەین كە دەنگی هیوا وئاواتەكانی ئێستا و پاشەرۆژی خەڵكی كوردستانە.

سەرۆك مەسعوود بارزانی وەك یەكەم سەرۆكی كوردستان و(پارتی)یش وەك حزبی دایك و یەكەم هێزی سیاسی لە گۆڕەپانی كوردستاندا پشتگیری لە پرسە نەتەوەیی و نیشتمانییەكان و كاری لەسەر سەربەخۆیی ئابووری و ترانزێتی بازرگانی كوردستان كردوە.

سەرۆك بارزانی  زۆر نەترسانە و حەكیمانە داكۆكی لە ئەزموونی كورد و فیدراڵییەتی كوردستان و  كاری لەسەر ئاشتی و ئازادی و دیموكراسییەتی عێراق كردووە، تا دەگاتە داكۆكیكردن لە پرسە نەتەوەیی و مافە نیشتمانییەكانی میللەتی كورد. بۆیە دەنگدان بە لیستەكانی76 و 213 ی پارتی، دەنگدانە بە حزبێكی دڵسۆز و خەمخۆر و خزمەتگوزاری كوردستانی، دەنگدان بە پارتی، دەنگدانە بەدەوڵەتی كورد و سەربەخۆیی كوردستان.

هەر بۆیە  پێشوازیكردن لە هەڵمەتەكانی هەڵبژاردن و بەشداریكردن لە پرۆسەی دەنگدان لە 30ی نیسانی 2014 بە لیستی76ی پارتی دیموكراتی كوردستان بۆ ئەنجومەنی پارێزگاكانی كوردستان و لیستی 213ی پارتی دیموكراتی كوردستان و بۆ پەرلەمانی عێراق، یەكێكە لە بنەماو پرەنسیپە بەهێزەكانی گەلی كوردستان، بە تایبەت كە ئەمڕۆ كوردستان بە بارودۆخێكی زۆر ناسك و هەستیار دا تێپەر دەبێت.

جێبەجێكردنی پیلانی گەمارۆی دارایی و بەكارهێنانی كارتی فشاری قەیرانی سیاسی و تاكڕەویی دەسەڵاتدارانی عێراق، ئەمانە هەمووی وا دەخوازێت كە بە روحیەتێكی بەزر و كوردانە بە شداری لە پرۆسەهەڵبژادن بكەین و بۆیە دەنگدان بە لیستی پارتی بۆ پەرلەمانی عێراق، داكۆكیكارێكی سەرسەخت و واقیعیانەیە بۆ بە ڕەواكردن و بە دەستوریكردنی زیاتری مافە نەتەوەییەكانی كورد، دەنگدان بە پارتی وەك هێزێكی براوەی كوردی لە خولی تازەی پەرلەمانی كوردستاندا، دەنگدانە بەو حزبەی لە ڕابردوو شدا جێی متمانەی خەڵكی بەشمەینەتی گەلی كوردستان بووە. ئەو هێزە  دوورەلە چەواشەكردن، لە نیگای واقیع و رووداوە مێژووییەكانەوە كاری لەسەر ماف و پرسە نەتەوەیی و نیشتمانییەكانی كورد كردووە.

لیستی 213ی پارتی، لە ماوەی حوكمڕانیدا بە كردەوە سەلماندوویەتی و خەڵكیش بەختی چەندین ساڵەی خۆیان لە گەڵیدا تاقی كردەوە كە هێزێكە خاوەن پڕۆژەیەكی نەتەوەیی و نیشتمانییە بۆ ئێستا و ئایندەی خەڵكی كوردستان، بۆیە بەوپەڕی متمانەبەخۆبوونەوە، چاوەڕوانی دەنگدەری كوردستانە لە 30ی نیسانی وەڵامی هەموو ئەو كار و خزمەتانە بداتەوە، وەك لە هەڵبژاردنەكانی پیشتریش متمانەیان پێداوەتەوە، با هەموومان بەرەو سەركەوتنە گەورەكەی پارتی پێشڕەومان هەنگاو بنێی.

لیستی 213ی پارتی، ئەو لیستەیە كە لە ماوەی 68 ساڵ تەمەنی خەبات و رزگاری خوازیی و قوربانیدانییدا لە پێناو بە دیهێنانی خەون وئاواتەكانی میللەتەكەیدا تێكۆشاوە و تا بەدەستهێنانی هەموو هیوا وئاواتەكانی و سەرفرازی میللەتەكەی بەردەوام دەبێت لە تێكۆشان.