بەغدا-KDP.info- ئەندامێکی ئەنجومەنی نوێنەرانی عێراق ڕایگەیاند، هەموو هەوڵەکان بەردەوامن بۆ هێورکردنەوەی دۆخی عێراق و جێبەجێکردنی مافە ڕەواکانی خۆپێشاندەران.
دوێنی سەرۆکوەزیرانی عێراق، عادل عەبدولمەهدی، کۆبوونەوەیەکی فرەوانی کرد بۆ ئەوەی هەموو داواکارییەکانی خەڵکی عێراق لە بودجەی ٢٠٢٠دا جێبەجێ بکرێن .
دیار بەرواری، بە ماڵپەڕی فەرمیی پارتی دیموکراتی کوردستانی گوت: "هۆکاری سەرەکیی دواخستنی پرۆژەبودجەی ٢٠٢٠ بۆ ئەنجومەنی نوێنەرانی عێراق ئەوەیە کە داواکانی خۆپێشاندەران جیبەجێ بکرێن و پلانێکێ تۆکمەتر بۆ دارشتنی خەرجکردنی بووجە دابنرێت."
بەرواری دەشڵێت: "دواخستنەکە لە بەرژەوەندی خەڵک و حکوومەتدایە، چونکە هەموو داواکارییەکانی تێدا جیبەجێ دەکرێت و حکوومەتیش بە شێوەیەکی باشتر بودجە دادەڕێژێت."
کــاروان بــاعەدری