هەڤاڵانی بەڕێز/ بەڕێوەبەر و ستافی بەڕێوەبردن و كادیر و كارمەندانی تەلەڤزیۆن و رادیۆی دەروازە..
بە بۆنەی (15)هەمین ساڵیادی دامەزراندنی (تەلەڤزیۆن و رادیۆی دەروازە) گەرمترین پیرۆزبایی خۆمان ئاراستەی ئێوەی بەڕێز و بینەران و بیسەرانتان دەكەین، ئومێدەوارین هەمیشە بەردەوام بن و لە پێشكەوتندا بن.
دامەزراندنی (تەلەڤزیۆن و رادیۆی دەروازە) وەكو دوو كەناڵی راگەیاندنی ناوخۆیی بەر لە 15 ساڵ لەو دەڤەرە ئازیزەدا، دەستكەوتێكی دیكەی گرنگی پارتیمان بوو بۆ خزمەتگەیاندن بە بواری راگەیاندن و رۆشنبیریی كوردی.
هیوادارین ئێوەش شانبەشانی كەناڵەكانی دیكەی راگەیاندن لە رێی بەرنامە و پرۆگرامەكانتانەوە رۆڵی شیاوی خۆتان ببینن لە رووی هۆشیاركردنەوە و پێشكەوتنی كۆمەڵگە و زمان و كولتووری رەسەنی كوردایەتی.
هەمدیسان پاڵپشتی و پشتیوانیی تەواوی خۆمان بۆ (تەلەڤزیۆن و رادیۆی دەروازە) دووپات دەكەینەوە و بەهیواین ساڵی داهاتوو زیاتر پێش بكەون و سەركەوتنی زیاتر لە كارەكانتان بەدەست بێنن و وەكو ھەمیشەش دەنگ و رەنگی ھاووڵاتیان بن...
دەزگای رۆشنبیری و راگەیاندنی پارتی دیموكراتی كوردستان
١١ی٩ی٢٠١٩