دهۆک-KDP.info- پشتی کو 30 ئەیلولا ئەڤ سالە وەک ژڤانێ ئەنجامدانا هەلبژارتنان هاتیە دیارکرن، ئافرەتێن پارێزگەها دهۆکێ ژی ب گەرمی دێ پێشوازیێ ل ڤێ رۆژی کەن و وەک ئەو دبێژن ئەو چاڤەرێ وێ رۆژێ نە، دا کو دەنگ ب لیستا 183ێ بدەن.

(مهاباد حەسەن)، ئەنداما ئێکەتیا ئافرەتێن کوردستانێ، بۆ مالپەرێ فەرمیێ پارتى دیموکراتى کوردستان گۆت:" ل 30 هەیڤا 9 یا ئەڤ سالە، گرێدایى چارەنڤیسێ مللەتەکى یە، كو بەرى نوكە خیانەت ل هاتیەكرن و ئەڤ هەلبژارتنە دێ كوردستانێ بەرەف پێنگاڤەکا باشتر بەن، لەوا دەنگدان ب پارتى دێ سەنگا جەماوەرى بۆ دەولەتا کوردى دیار کەن".

(مهاباد)ـێ، ئەو چەندە ژى دیار کر، جەماوەرێ کوردستانێ ب گشت و ئافرەتێن ب تایبەتى رۆلەکێ گرنگ د پشکداریکرنێ دڤێ پرۆسێ دا هەیە، چونکی دناڤ مالێ دا کارتێکرنا خۆ هەیە، لەوا دێ پێکڤە کار لسەر پرۆژەیێ هەلبژارتنان بكەین ژبۆ سەرکەفتنا پارتى.

هەر پێدڤی ب ڤێ پرسێ، (هەیفا دۆسکى)، چالاکڤان د بیاڤێ ئافرەتاندا ل پارێزگەها دهۆکێ، بۆ مالپەرێ فەرمیێ پارتى دیموکراتى کوردستان خویاکر، رایا گه‌لی و گه‌ل ب خوە بریارا چاره‌نڤیسی خو بده‌ت ب چ ئاوایی بیت، ژبەر ڤێ چەندێ ژى دڤێت پشتەڤانیێ ل لیستا 183ێ بکەین".

هەروەسان ژ لایەکی دی ڤە، (جیان مەهدى)، بەرپرسا ئەنجوومەنێ قەزا دهۆک یا ئێکەتیا ئافرەتێن کوردستانێ بۆ مالپەرێ فەرمیێ پارتى دیموکراتى کوردستان راگەهاند:" ئەنجامدانا هەلبژارتنان د ڤێ قوناغێ دا گرنگى و سەنگەکا جودا دێ هەبیت، ژ بوى ناساندنا ناسناما نەتەوى رەوشەنبیرى و مێژوییا گەلێ کورد، كو پارتى خودان مێژویەک سەروەرى یە، دێ دەنگ ب لیستا 183 دەین.

(جیان)ێ گوت ژی :" پێدڤیە لسەر ریکخراوین جەماوەرى خوە ل رەوشەنبیرکرنا هەموو تەخێن جڤاکى بکەن خودان و بۆ خەلکى ب تێر و تەسەلى بەحسى بەرنامێ پارتى بكەن، ب تایبەت تەخا ئافرەتان، جونكى دەنگدان ب لیستا 183ێ سەرکەفتنا مللەتێ كوردە''.

هەلز عەلى سەلیم