هه‌ولێر-KDP.info- بەبۆنەی جەژنی پیرۆزی قوربانه‌وه، سەرۆک بارزانی پیرۆزبایی لە خەڵکی کوردستان و عێراق دەکات، هه‌روه‌ها پیرۆزبایی ئاراستەی خانەوادەی سەربەرزی شەهیدان و پێشمەرگە قارەمانەکانی کوردستان دەکات.
ده‌قی پەیامی پیرۆزبایی سەرۆک بارزانی بەبۆنەی جەژنی قوربان
بەناوی خوای گەورە و میهرەبان
بەبۆنەی هاتنەوەی جەژنی پیرۆزی قوربان، پیرۆزبایی لە سەرجەم خەڵکی کوردستان و عێراق دەکەم. پیرۆزبایی گەرم ئاراستەی خانەوادەی سەربەرزی شەهیدان و پێشمەرگە قارەمانەکانی کوردستان دەکەم.
هیوادارم هەموولایەک جەژن بە خۆشی بەسەر ببەن و حاجییەکانمان بە سەلامەتی فەریزەی حەج بەجێ بگەیەنن و خوای گەورە حەج و پاڕانەوەکانیان قبوڵ بکات.
مسعود بارزانی
٢٠ـی٨ـی٢٠١٨