شنگال- KDP.info- سەرۆکێ جڤاتا نافچەداریا شنگالێ راگەهاند، هەتا نها باشوورێ شنگالێ ژ مینان نەهاتیە پاقژکرن، ئەڤێ یەکێ ژی زەرەرو زیان ب دووڤ خۆڤە ئیناینە.
وەیس نایف بۆ مالپەڕێ فەرمیی یێ پارتی دیموکراتی کوردستان گۆت:'' باشوورێ شنگالێ یێ پڕە ژ مینان و چەندین خانی د مینڕێژ کرینە، خەلکێ وێ نافچەیێ باجێ ددەن دبنە قوربانی و پشتی هاتنا حەشدا شەعبی نێزیکی ٢٠ کەسان ب مینان ژیانا خوه ژدهست داینه.
نایفی ئەو یەکە ژی گۆت:'' حەشدا شەعبی پشتی هاتیە باشوورێ شنگالێ هەتا نها ژی نەشیایە ئەوان نافچەیان پاقژ بکەت بتنێ ئەو بۆ مەرەمێن سیاسی هاتینە وێ نافچەیێ و ئاگەهـ ژ ژین و ژیارا شنگالیان نینە.
ناڤهاتی دا زانین، گەرەکە خەلکێ شنگالێ خۆ دوور بگرن ژ وان نافچەیان یێن کو مین لێ د چاندی و ب زووترین دەم حەشد وان نافچەیان چۆل بکەت ژبۆ کوو تیمێن ئەندازیاری ڤەگەڕنە وان نافچەیان و پاقژ بکەن ژبەرکوو خەلک زیانێ ژ وان نافچەیان دبینیت و دوهی ژی ل نافچەیا گرعزێر خانیەک پەقی و گەنجەک بناڤێ عەلی موراد بو قوربانى.
دهێتە زانین کو پشتی هاتنا داعشێ بۆ وێ نافچەیێ هەتا نها ئەو باژار نەهاتیە پاقژکرن ژ مینان و چەندین خەلک بوویە قوربانی .
کــــاروان بـــاعەدری