دهۆک-KDP.info- چار پارتێێن کوردستانی د بەیاننامەکێ دا پشتگیریا خۆ بۆ سەڵاحدین دەمیرتاشی دیار کرن.

دڤی دەربارەی دا ژی موستەفا ئۆزجەلیک، سەرۆکێ گشتی یێ پارتیا ئازادیا کوردستانێ بۆ ماڵپەرێ فەرمیی یێ پارتی دیموکراتی کوردستان گۆت: ''مە چار ئالیێن کوردستانی ئەوژی(پارتیا ئازادیا کوردستانێ و پلاتفۆرما دیموکراتا کوردستانێ و پارتیا سۆسیالیستا کوردستانێ و تەڤگەرا ئازادی) پشتەڤانیا خۆ ژبۆ سەڵاحدین دەمیرتاشی دیارکرن.
ئۆزجەلیک ئەو یەکە ژی نەڤەشارت و خویاکر، کو بەریا نها ژی مە بزاڤێن وێ یەکێ کربوون کو تفاقەکا کوردی ژبۆ هەلبژارتنان بهێتە دانان بەلێ هەدەپێ د دەستپێکێ دا ڕازی بوو بەلێ پشتی هنگی خۆ ڤەکێشا بەلێ دیسان مە چار ئالیێن کوردستانی پشتەڤانیا خۆ بۆ سەڵاحدین دەمیرتاشی دیارکر.
بەریا نها ژی بزاڤێن وێ یەکێ هاتبوونە کرن کو تفاقەکا کوردی ل باکووری کوردستانێ بهێتە دروستکرن ژبۆ هەلبژارتنان بەلێ هەدەپێ ئەو تفاق تەمام نەکر و سەڵاحدین دەمیرتاش ژی ل سەر ڤێ پرسێ گۆتبوو؛'' ئەز غەمگینم، و پێدڤی بوو هەدەپێ ئەڤ تفاق دروستکربا.''
ل ٢٤ـی حزیرانێ هەلبژارتنێن پەرلەمێنتۆێێ و سەرۆککۆماریێ دێ ل تورکیا هێنە بڕێڤەبرن و ل وی وەڵاتی ژی(AKP ـێ و  MHPـێ و BBP)ـێ تفاقا ''جمهور'' دروستکرن و (CHP ـێ و IYI  ـێ و پارتیا سەعادەت و پارتیا دیموکرات)ـێ تفاقا مللەت ئاڤاکرن.

کــــاروان بـــاعەدری