هه‌ولێر-KDP.info- دەزگای رۆشنبیری و راگەیاندنی پارتی دیموكراتی كوردستان، بە بۆنەی (26)ـەمین ساڵیادی دامەزراندنی (دهۆك تیڤی)ـیەوە، ڕایگه‌یاند، (دهۆك تیڤی) دەسكەوتێكی دیكەی گرینگی پارتیمان بوو بۆ خزمەتگەیاندن بە بواری راگەیاندن و رۆشنبیری و كولتووری كوردی.

 

بەڕێزان بەڕێوەبەر و ستافی بەڕێوەبردن و تێكڕای كادیر و كارمەندانی تەلەڤزیۆنی دهۆك.. 

 

بە بۆنەی (26)ـەمین ساڵیادی دامەزراندنی (دهۆك تیڤی)ـیەوە، گەرمترین پیرۆزبایی خۆمان ئاڕاستەی ئێوەی بەڕێز و بینەرانی كەناڵە ئازیزەكەتان دەكەین و، ئومێدەوارین هەمیشە بەردەوام و لە پێشكەوتندا بن.  

 

تەلەڤزیۆنی دهۆك، وەك یەكەمین كەناڵی ناوخۆیی گشتیی كوردستانی، بەر لە 26 ساڵ لەو دەڤەرە ئازیزەدا هاتە دامەزراندن، دەسكەوتێكی دیكەی گرینگی پارتیمان بوو بۆ خزمەتگەیاندن بە بواری راگەیاندن و رۆشنبیری و كولتووری كوردی.

 

تەلەڤزیۆنی دهۆك، خاوەن پەیامێكی راست و روونە و شانبەشانی كەناڵەكانی دیكەی مێدیایی، هەردەم لە رێی بەرنامە و پڕۆگرامەكانییەوە رۆڵی شیاوی خۆی گێڕاوە بۆ داكۆكیكردن لە دۆزە رەواكەمان و پێشكەوتنی كۆمەڵگە و زمان و ئەدەبیاتی رەسەنی كوردایەتی، بۆیە مایەی شانازی و دەستخۆشییە.

 

لەو بۆنەیەدا، جەخت لە پاڵپشتی و پشتیوانیی تەواوی خۆمان بۆ تەلەڤزیۆنی دهۆك دەكەینەوە و بە هیواین ساڵی داهاتوو زیاتر پێش بكەون و سەركەوتنی زیاتر لە كارەكانتاندا بە دەست بێنن..

 

دەزگای رۆشنبیری و راگەیاندنی پارتی دیموكراتی كوردستان

4/5/2018