ئەمەریکا-KDP.info- وەزارەتی بەرگریی ئەمەریکا کە بە پنتاگۆن ناسراوە رایدەگەیەنێ کە ئەوان لە پشتیوانیکردنی دارایی هێزی پێشمەرگە بەردەوام دەبن.
گوتەبێژی وەزارەتی بەرگریی ئەمەریکا ئێریک پاهۆن بە فەرمیی پشتڕاستی کردەوە کە ئەوان لە هاوکاریکردنی هێزی پێشمەرگە بەردەوام دەبن و هاوکارییەکانیشیان راناگرن.
ئێریک پاهۆن، دەڵێ، راستە هاوکارییەکانمان بۆ ساڵی داهاتوو بۆ هیزی پێشمەرگە لە ٣٦٠ ملیۆن دۆلاراوە کراوە بە ٢٩٠ ملیۆن دۆلار بەهۆی کۆتایی هاتنی بەشێک لە ئۆپەراسیۆنەکان لە دژی داعشدا، بەڵام ئێمە لە پشتیوانیکردنی هێزی پێشمەرگەدا بەردەوام دەبین.