دهۆک-KDP.info- سکرتێری گشتی یێ پارتی دیموکراتی کورد-سوریا (الپارتی) گۆت:'' ئەڤ ئیرشێن داویێ ل کەرکووک و چەند دەڤەرەکێن دی یێن کوردستانێ ژ ئالیێ دوژمنێن کورد ڤە، ئەڤە خیانەتەکە مەزنە ل دژی گەلێ کورد ل هەرێما کوردستانێ.

(نەسرەدین ئیبراهیم)، بۆ ماڵپەرێ فەرمیی یێ پارتی دیموکراتی کوردستان گۆت:'' دیارە نها گەلێ مە ل هەرێما کوردستانێ بەرەڤ دیارکرنا چارەنڤیسیێ خۆ چۆیە، دوژمنێن گەلێ مە ژ هەموو ئالیان دخوازن ئیرادەیا گەلێ مە ژناڤ ببەن، و ئەڤە ددەمەکی دا ل دژی هەموو پرەنسیپێن مافێ مرۆڤی و یاسا و دەستوورایە، چونکی گەلێ مە بریاردایە سەربەخۆ بیت، و چ کەس نەشیت بەرامبەر ئیرادەیا گەلێ کورد راوەستیت.

سکرتێری گشتی یێ پارتی دیموکراتی کورد-سوریا(الپارتی)، خویا ژی کر، گەرەکە جڤاکا ناڤنەتەوەی رێک ل بەرامبەر ڤان پێشێلکاریان بگریت و نەهێلیت چەک و ڤان ئەمبارگۆییان ل سەر هەرێما کوردستانێ بکاربینیت، چونکی کوردستانێ پێشێلا هیچ بنەمایێن یاسایی و دەستووری نەکریە، بتنێ دوژمن دخوازیت گەلێ مە ژناڤ ببەت، و ئەڤە چەندین ساڵا ئەڤ پڵان و خیانەتکاریە ل هەمبەر گەلێ مە دەستپێکرینە.

ل داویی گۆت:'' گەرەکە کورد نافمالیا خۆ رێک بێخیت و نەهێلیت چو دەستێن دەرەکی بهێنە دنافمالیا وان دا، ژبەرکوو پتر ژ هەردەمی نها کورد پێدڤی ب ئێک رێزی و ئێک گۆتاریێ نە، چونکە نها بەرەڤ سەربەخۆبوونا خۆ دچن.

کـــاروان بـــاعـــەدری