دهۆک-KDP.info- کوردێن ئێزدی و خەلکێ شنگالێ دبێژن: ئیرۆ پێتڤی بوو مە دووجاران دونگ دابا و ئەم ئێزدی پتر ژ هەموو کەس و لایەن و پێکهات و ئاینان ل هیڤیا ڤێ رۆژێ بووین.
(ماهر ئەلیاس)، خەلکێ شنگالێ یە بۆ مالپەرێ فەرمیی یێ پارتی دیموکراتی کوردستان گۆت:" بۆ ئێزدییان دەنگدان بۆ سەربەخۆبوونا کوردستانێ ژ هەر تشتی باشتربوو بۆ پێشەرۆژا ئێزدییان, چونکی ئێزدی ئەڤە چەند ساڵانە ل هیڤیا ڤێ رۆژێ نە دا کو هەموو ناوچەیێن مە بکەڤنە دهەمبێزا کوردستانێ دا.
(ژیان عەلی)، کچەکە ئاوارەییە کوردێن ئێزدییە, بۆ ماڵپەڕێ فەرمیی یێ پارتی دیموکراتی کوردستان دیارکر، ژ بۆ کوو شنگال و لالش پیکڤە بهینە گرێدان ب هەر دەهــ تبلان دێ دەنگ بۆ سەربەخۆییا کوردستانێ دەین, و کوردستان وەڵاتێ مەیێ رەسەنە، و پەرستگەها مە ل کوردستانێ یە.
هەر دڤی بیاڤی ژی دا(وەیس نایڤ)، سەرۆکێ جڤاتا قەزا شنگالێ بۆ ماڵپەرێ فەرمیی یێ پارتی دیموکراتی کوردستان گۆت: هیڤیا مەیا مەزن ئەوە شنگالا مە ڤەگەریتە سەر هەرێمئ، و ببینە خودان وەڵاتەکئ سەربەخۆ و هەموو دەڤەرێن دی ژی بکەفنە سەر هەرێما کوردستانێ چونکی خەلکێ شنگالێ گەلەک ئازار کێشاینە.
کاروان باعەدری