دهۆک-KDP.info- شیرەتکارەکی (سەرۆک بارزانی) دبێژیت، زۆربەیا وەڵاتان  نە ل دژی ریفراندۆمێ نە وەک پرەنسیپ، بەلکو نەرینێن جودا ل سەر دەم و رەوشا گونجایێ یا ڤێ پرسی هەنە، ئەڤە ژی نە رامانا هندێ یە کو ل دژی ریفراندۆمێ نە.

(کیفاح شنگالی)، د لێدوانەکا تایبەت دا بۆ ماڵپەرێ فەرمیی یێ پارتی دیموکراتی کوردستان گۆت: ''پاشئێخستنا ریفراندۆمێ ب هێج شیوەیەکی نینە ئەگەر هندەک دەنگ هەبن کو بێژین دێ ریفراندۆم هێتە پاشێخستن ئەم وان پشت راست دکەین ب چ شیوەیان ئەڤ تشتە نینە و گەلەک جاران (سەرۆک بارزانی) دووپاتی یا ل سەر ڤێ کری ئەوێن دبێژن ریفراندۆم بلا بهێتە پاشئێخستن بەلێ بەرسڤا مە بۆ وان ئەو بوویە، پێدڤیە دیفاکتۆ ئانکۆ پێگهۆرێ وێ بدەنە مە ئەوژی دەم و گرەنتیان، ئەگەر وان دەم و گرەنتی نەبن بهێچ شیوەیان ئەم ژ ڤێ پرسا چارەنڤیساز ناڤەگرین."

شیرەتکارێ (سەرۆک بارزانی)ئەو یەکە ژی دیارکر، ئەڤ پرسە ب دەهان ساڵە ئەم ل بەندێ نە، و چ وەڵات بۆ مە دەولەتێ ئاڤاناکەن، دڤێت ئەم باوەریێ بۆ جیهانێ چێکەین و ئێدی پێدڤیە ئەم دەولەتا خۆ رابگەهینن، پێدڤی بوو هەموو لایەنێن کوردستانێ ل سەر ریفراندۆمێ د هەڤهەلویست بان، و کێشەیێن خۆ راکربان و نها هزر د پرسا ریفراندۆمێ کربان.

ناڤهاتی دیار ژی کر، بریارا ریفراندۆمێ، دنیا ئێخستە هەمبەر تاقیکرنەکا باوەری پێکرن ب مافێ مرۆڤان، چونکە ریفراندۆمێ مافەکی سروشتی و مرۆڤیە، و پێدڤیە جیهان پەسەند بکەت.

کاروان باعەدری