ئێوارەی ڕۆژی پێنجشەممە 17ـی 8ـی 2017 لە ئەنجامی هێرشێكی تیرۆریستی لە شاری بارسێلۆنای ئیسپانیا 13 هاووڵاتیی گیانیان لەدەستدا و 100 كەسی دیكەیش بریندار بوون.

 

وێڕای ئەوەی زۆر بە توندی ئیدانەی ئەو كارە تیرۆریستییە دەكەین سەرەخۆشی لە كەسوكاری قوربانیانی ئەو كردەوە دڕندانەیە دەكەین و هیوای چاكبوونەوەی خێرایش بۆ برینداران دەخوازین.

 

گەلی كوردستان كە خۆی قوربانیی دەستی تیرۆرە و لە سەنگەری پێشەوەی شەڕی تیرۆرە خۆی بە هاوخەمی شاری بارسێلۆنا دەزانێت.

 

سەرۆكایەتیی هەرێمی كوردستان

 

18ـی 8ـی 2017