رۆژئاڤایی کوردستانێ-KDP.info- پشتی کو ل (١٣-٥-٢٠١٧)ـێ ئاسایشا پەکەکێ رۆژنامەڤانەکی ب ناڤێ (بارزان حەسەن لیانی) د ڕەڤینن، برایەکی رۆژنامەڤانێ ناڤبری دبێژیت: پشتی کو بۆ ماوەیێ دوو هەیڤان ژنوو مەزانی برایێ مە یێ ساخە و رەوشا وی یا دەرونی و جەستەیی تێکچۆیە.

(گولال حەسەن لەیانی)، برایێ رۆژنامەڤانێ هاتیە رەڤاندن ژ لایێ ئاسایشا پەکەکێ ڤە ، بۆ ماڵپەرێ فەرمیی یێ پارتی دیموکراتی کوردستان گۆت:'' برایێ من ل بەرنامەیێ (ARK) تی ڤی: (ARK) واتەیا ئازادیا رۆژئاڤایی کوردستانێ) کارێ پەیامنیڕیێ دکر، ژ لایێ چەکدارێن پەکەکێ ڤە ل باژێرێ رمێلانێ هاتە رەڤاندن، و دوهی، ژنوو رێک بمە هاتە دان. ئەم برایێ خۆ ببین ،و مە زانی یێ ساخە.''

(گولالی)، گوتژی:'' (بارزان) ێ برایێ من نها د زێندانەکا ل نافچەیا (نافکۆری) یا باژێڕێ قامشلۆ دایە، و پێشتر بۆ ماوەیێ ٢١ رۆژان د زیندانەکا تاکە کەسی دابوو ل باژێرێ دێرکێ .

دەربارەی تەندورستیا رۆژنامەڤانێ ناڤبری(گولالی) خویاکر، کو بارێ تەندروستیا وی گەلەک تێکچۆیە و کێشا لەشێ هاتیە خوار، و بارێ وی یێ دەرونی تێکچۆیە د زیندانا تاکە کەسی دا.

بەریا نها ژی(خالد عەلی)، رێڤەبەرێ بەرنامەیێ(ARK) بۆ ماڵپەرێ فەرمیی یێ پارتی دیموکراتی کوردستان دیارکربوو، کو ئەو ئیدانەیا ڤێ کریارا هۆڤانەیا پەکەکێ دکەن و دخوازن ب زووترین دەم ڤی پەیامنێری ئازاد بکەن.

دهێتە زانین، کو نها ژمارەیەکا زۆر یا سەرکردە و لایەنگر و ئەندامین لایەنێن کو هزر و بیرێن وان د جیاوان ل گەل پەکەکێ د زێندانین پەکەکێ دانە. ئەڤە ژی ل گۆر گۆتنا سەرکردەیێن پەکەکێ یە، کو بەریا نها بۆ مالپەرێ فەرمیی یێ پارتی گۆتبوون.

کاروان باعەدری