به‌داخ و په‌ژاره‌یه‌كی زۆره‌وه‌ به‌ره‌به‌یانی ئه‌مرۆ ٢٢/٥/٢٠١٧ نووسه‌ر و رۆژنامه‌نووسی دڵسۆزی پارتیمان و رێبازی پیرۆزی بارزانی، هه‌ڤاڵ و هاوكار و راوێژكاری ده‌زگاكه‌مان (شازاد ئه‌نوه‌ر) به‌هۆی نه‌خۆشیه‌كی كت و پڕه‌وه‌ كۆچی دوایی كرد.

كاكه‌ شازاد كه‌سایه‌تییه‌كی دیار و شاره‌زای بواری رۆشنبیری و راگه‌یاندن و كادیرێكی كارا و تێكۆشه‌ڕی راگه‌یاندنی پارتیمان بوو، له‌و رووه‌شه‌وه‌ خزمه‌تێكی زۆر و پڕبه‌خششیی كردووه‌.
به‌و بۆنه‌ خه‌مناكه‌وه‌ پرسه‌ و سه‌ره‌خۆشی خۆمان ئاراسته‌ی خانه‌واده‌ تێكۆشه‌ره‌كه‌یان و كه‌سوكار و هه‌ڤاڵ و هاوپیشه‌كانی خوالێخۆشبوو ده‌كه‌ین و هاوبه‌شی خه‌میانین.
له‌خودای گه‌وره‌ داواكارین سه‌بر و ئارامی به‌هه‌موو لایه‌كمان ببه‌خشێت و گیانی هه‌ڤاڵی كۆچكردوویشمان بخاته ‌به‌ر ره‌حمه‌ت و دلۆڤانی خۆی و به‌ به‌هه‌شتی به‌رینی شاد بكات.

انالله وانا الیه ‌راجعون
ده‌زگای رۆشنبیری و راگه‌یاندنی
پارتی دیموکراتی کوردستان