Kurdî  ■  كوردی  ■  عربي
FRI, 28 APR 2017 13:15 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Em nahêlin mîberên mizgeftan hizra tundiyê belav bike..Em rê nadin şerê mezhebî
| KDP.info


Hewlêr-KDP.info- Serokwezîrê Herêma Kurdistanê Nêçîrvan Barzanî got, Pêşmerge bi exlaqên xwe yên bilind bûne parêzerên hemû gel û pêkhateyên navçeyê. Herwiha ragihand, nabe ku mînberên mizgeftan bibin amûrekî siyasî û hizra tundiyê belav bikin.

Konferansa olî ya bi navê "Ber bi gotareke olî ya henvseng li ser bingeha mirovdostî û aştiya civakî" li Hewlêrê dest bi karên xwe kir.

Di konferansê de Serokwezîrê Herêma Kurdistanê Nêçîrvan Barzanî behsa girîngiya rola Hêzên Pêşmerge kir ku li hemberî rêxistineke weke DAIŞê li berevaniyê dike.

Di beşekê axaftina xwe de wiha behsa şerê Hêzên Pêşmerge yê bi DAIŞê re kir: “Helwestekî mezin û girîng a Pêşmerge heye. Pêşmerge ji bo têkbirina DAIŞê cesareteke mezin nîşan daye. Hem pêkhateyên li Kurdistanê û hem jî sînorên din diparêze.”

Nêçîrvan Barzanî diyar kir ku çavê gelê Kurd û pêşmerge li mamostayên olî ye ku tundiyê ji holê rakin û got, ew naxwazin di navbera xelkê herêmê de pevçûnên mezhebî û nijadî derbikeve.

Nêçîrvan Barzanî amaje kir nabe ku mînber bibin amûrekî siyasî û herwiha daxwaz ji mamostayên olî kir ku rê nedin ku mînberên mizgeftan bo belavkirina hizra tundiyê bikar bên. Herwiha daxwaz ji wan kir ku nekevin bin bandorên siyasî û li şûna wê fikrê bihevre jiyanê xurtir bikin.   

Serokwezîrê Kurdistanê derbarê wê yekê de wiha got: “Em rê nadin ti partiyekê ku ol û siyasetê têkel bike û xwe bike mînbera mizgeftan û bi navê Îslamê kar bo berjewendiya partiya xwe bike. Rêveberiya Herêma Kurdistanê xwedî armancên netewî û niştimanî ye, lê ligel wê yekê de jî di wê baweriyê de ye ku berjewendiya gelê Kurdistanê di wê yekê de ye ku em cîranê navçeyeke aram û bi ewle bin, nek navçeyek pir nakokî û şerê mezhebî be. Herêma Kurdistanê dixwaze navçeyekî aram û bi ewle çêbibe û Hêzên Pêmerge kar ji bo wê yekê dikin û nîşan didin ku em gelekî li dijî terorê ne û em amade ne hevkar bin bo çespandina aştiyê li navçeyê.”

Nêçîrvan Barzanî wiha domand: “Dîmenên Pêşmerge dema ku nimêj dikin berî ku êrişî terorîstên DAIŞê bikin û dîmenên Pêşmerge di parastin û rizgarkirina zarok û jinên bin destê DAIŞê, bê ku zanibin ser bi çi ol û mezhebekî ne, nîşan didin ku Pêşmerge xwedî exlaqekî bilind in. Xwedî wê exlaqê ku di hemû şoreşên Kurdistanê de hebû.”

Serokwezîrê Herêma Kurdistanê Nêçîrvan Barzanî di dawiya gotara xwe de wiha got: “Beriya 46 salan, dema ku Yekîtiya Zanayên Ola Îslamê li Kurdistanê bi destpêşxeriya serokê şoreşa Kurdistanê Mela Mistefa Barzanî û bi beşdariya bi bandor a zanayên hemû navçeyên Kurdistanê, hat damezrandin, pêwîst e wek ku çawa wê demê ew yekîtî bibû sedema yekîtiyekî temam ji civaka Kurdistanê re, niha jî heman canê yekgirtinê pêkve li ser bingehên serke yên pêkvejiyanê kar bikin, ew jî bo avakirina gotareke yekgirtî dûr ji tundiya olî û bo mirovdostî û aştî û aramiya civakî li Kurdistanê.”




Nûçeyên din

PDK: Êdî cîhan pir baş mafê gelê Kurd fêm dike

THURSDAY, 27 APRIL 2017 17:04:22

Hewlêr-KDP.info- Sekreterê Polîtburoya PDKê Fazil Mîranî di pêşwaziya şandekê ji Balyozxaneya Brîtanya li Hewlêrê ragihand ku êdî cîhan û civaka navdewletî têgiheştineke baş li cem wan çêbûye ji bo mafê gelê Kurd.

 
Parlamentoya Iraqê: Divê hêzên biyanî ji Şingalê derkevin

THURSDAY, 27 APRIL 2017 15:04:30

Bexda-KDP.info- Di civîna îro ya Parlamentoya Iraqê de biryar li ser derxistina her hêzeke biyanî ku bibe sedema çêkirina metirsiyê li ser welatên derdorê. Parlemanterekî PDKê jî eşkere dike ku parlamentoyê daxwaza qerebûkirina kesan dike ku ziyan ji bombebarana Tirkiyê dîtine.

 
Berwarî: Em dihatin kîmyabarankirin û PKKê jî alîkarî ji Iraq û Sûriyê distend

THURSDAY, 27 APRIL 2017 14:04:07

Hewlêr-KDP.info- Şirovekarê siyasî Ebdulselam Berwarî dibêje, PKK di dema ku xelkê Kurdistanê dihatin kîmyabarankirin û enfalkirin, alîkarî ji rêjîmên Beis ên li Iraq û Sûriyê distend. Herwiha tekez dike ku êdî qet PKK nabe hêzekî Kurdistanî.

 
Erdogan û Yildirim bo Serok Barzanî: Êrişa li Şingalê bi şaşî bû

WEDNESDAY, 26 APRIL 2017 21:04:00

Hewlêr-KDP.info- Serokomar û Serokwezîrê Tirkiyê pêwendî bi Serokê Herêma Kurdistanê Mesûd Barzanî re kirin û dilgiraniya xwe li hember şehîdbûna 6 pêşmerge û birîndarbûna 8 pêşmergeyan nîşan dan. Erdogan û Yiildirim serxweşî li Barzanî kirin û gotin, ku bombebarana pêşmerge li Şingalê bi şaşî çê bûye.

 
Efrîn- PKK êriş kiriye ser mala serkirdeyê ENKSê

WEDNESDAY, 26 APRIL 2017 21:04:04

Efrîn-KDP.info- Endamê Serkirdatiya ENKSê û Endamê Komîteya Navendî ya PDK-Sê Ebdulrehman Apo ragihand ku duhî danê êvarê çekdarên PKKê li navçeya Eşrefiye ya Efrînê êriş kirin ser mala wê û ew û malbata wî ji kuştinê filitîn.

 


 
© 2017 Kurdistan Democratic Party, KDP