Kurdî  ■  كوردی  ■  عربي
MON, 22 JUL 2019 13:38 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Macron Bo Nêçîrvan Barzanî: Fransa bi hemû şiyanên xwe piştevaniya te dike
| KDP.info


 

Hewlêr-KDP.info- Serokomarê Fransayê Emmanuel Macron pîrozbahî li Serokê Herêma Kurdistanê Nêçîrvan Barzanî kir û di erkê wî yê nû de serkeftên jê re xwest. Macron herwiha got ku welatî wî dê bi hemû şiyanên xwe piştevaniya Nêçîrvan Barznaî bike.

Serokomarê Fransayê Emmanuel Macron nameyek taybet arasteyî Serokê Herêma Kurdistanê kir û tê de pîrozbahî lê kir û hêviya serkevtinê ji bo erkê wî yê nû xwest.

Emmanuel Macron di nameya xwe ya ji bo Nêçîrvan Barzanî de dibêje diyar dike destbikarbûna we qonaxeke girîng e bo Herêma Kurdistan û bo hemû Iraqê ku niha ber bi aramî û aştiyê ve diçe.

Nameya Macron bi vî awayî ye:

“Birêz Serok,

Dixwazim germtirîn pîrozabhî li cenabe te bikim bi boneya hilbijartina te weke Serokê Herêma Kurdistana Iraqê. Hêviya serkeftinê ji bo te dixwazim di bicihkirina vê berpirsyariya mezin de.

Destbikarbûna we qonaxeke girîng e bo Herêma Kurdistan û bo hemû Iraqê ku niha dema aramî û aştiyê ye. Ez pê bawer im ku ezmûna cenabe te dûr û dirêj dê bibe alîkar ji bo sepandina aramiyê û Fransa bi hemû şiyanên xwe piştevaniya we dike.

Fransa û Kurdistana Iraqê bi rêya peywendiyên dîrokî bi hev re girêdane û di şerî hevbeş ê li dijî DAIŞê de peywendiyên xwe bihêztir kir.

Dixwazim bi taybeti spasiya xwe bo wê yekê bikim ku ew hemû qurbanîdana Pêşmerge û herwiha ji bo hewla desthilatdariya herêmê bo pêşwazîkirina ew koçberên ji ber destê cîhadiyên barbar reviyane kir. Hûn agahdar in ku em pabendê daxwazên Kurdan in di çarçoveya Iraqa yekgirtî, federal û demokratîk de. Her bi navê pêwendiyên taybet bû ku Fransayê di çareserkirina qeyranên piştî referanduma serxwebûnê rû dabûn de beşdarî kir. Em îro bextewer in pêwendiyên di navbera Hewlêr û Bexdayê de pêşketine û bi saya rêkeftin li tevahiya Iraq aramî, ewlehî û geşêdan çêbûne.

Hêvîdar im di hemû waran de peywendiyên di navbera Herêma Kurdistanê û Fransayê de pêştir bikevin, di taybetî di warên aborî, kulturî û perwerdeyê de ku xelkê nêzîktirî hev dikin. Hûn di vê çarçoveyê de dikarin baweriya xwe bi rêveberiya Fransayê bînin.”


Ev nameya Serok Macron bo Serok Nêçîrvan Barzanî, îro danê sibehê Pêncşema 13.6.2019 ji aliyê Konsulê Giştî yê Fransa li Herêma Kurdistanê Domînîk Mas ve gihîşt destê Nêçîrvan Barzanî.




Nûçeyên din

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 
Peyamek ji Serok Barzanî

SATURDAY, 20 JULY 2019 23:07:00

Hewlêr-KDP.info-Piştî kirdara terorîstiya roja çarşem 17.07.2019 ku li yek ji xwaringeheke Hewlêrê rûda û dîplomatkarekî Tirkiye û dû hemwelatiyên sîvîlê Kurdistanê bûne qurbanî, xweşbextane îro hêzên Asayîş û Dije Terorê Kurdistanê karîn encamderê serekiyê tawanê û hevkarekî wan destgîr bikin.

 
Fermandarê Hêzên Ser Sînor: Divê PKK ji navçeyê sînorî derkeve

SATURDAY, 20 JULY 2019 14:07:10

Duhok-KDP.info- Fermandarê Hêzên Pasevanî yên Ser Sînorê Herêma Kurdistanê, ku ser bi Hikûmeta Iraqê ve ye, ragihand ku ji ber PKKê 400 gundên ser sînor li Herêma Kurdistanê vala bûne û pêwîst e PKK ji wan navçeyan derkeve ji ber ku ziyanê dighîne Herêma Kurdistanê.

 



 
© 2018 Kurdistan Democratic Party, KDP