هەولێر-KDP.info- لە دیداری نێوان سەرۆکی هەرێمی کوردستان و سەرۆکی ئەنجوومەنی نوێنەرانی عێراقدا، باس لە شەڕی داعش و قۆناغی دوای لەناوچوونی داعش و قەیرانی دارایی و مەترسییەكانی سەر پڕۆسەی سیاسیی عێراق كرا.
ڕۆژی شەممە 12ـی 3ـی 2016 لە سەلاحەدین (مەسعوود بارزانی) سەرۆكی هەرێمی كوردستان پێشوازی لە (سەلیم ئەلجبوری) سەرۆكی ئەنجوومەنی نوێنەرانی عێراق و شاندێكی یاوەری كرد.
لە دیدارەكەدا بیروڕا لەبارەی دواپێشهات و گۆڕانكارییە سیاسییەكانی ناوخۆی عێراق و ناوچەكە ئاڵوگۆڕ كرا و هەروەها سەرۆكی ئەنجوومەنی نوێنەرانی عێراق سەرۆك بارزانیی لە ئەنجامی سەردانەكانی بۆ ویلایەتە یەكگرتووەكانی ئەمەریكا و توركیا ئاگادار كردەوە.
هەر لەم كۆبوونەوەیەدا باس لە شەڕی داعش و قۆناغی دوای لەناوچوونی داعش و قەیرانی دارایی و مەترسییەكانی سەر پڕۆسەی سیاسیی عێراق كرا.