Kurdî  ■  كوردی  ■  عربي
SUN, 22 OCT 2017 13:17 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزیری پێشووتری دەرەوەی فەڕەنسا: هەڵوێستی وڵاتان گۆڕانکاریی بەسەردا دێ
| KDP.info


 

هەولێر-KDP.info-  وەزیری پیشووتری دەرەوەی فەڕەنسا رایگەیاند، دەبێ جیهان لەم خواستە لەمێژینەی کوردستانیان تێبگا و، لێرە بە دواوە، گفتوگۆ بۆ پشتگیری لە مافەکانیان نیشان بدەن. جەختیشی کردەوە لەوەی، هەڵوێستی وڵاتان گۆڕانکاریی بەسەردا دێ.

(بێرنارد کۆشنێر) کە چەند ڕۆژێکە لە باشووری کوردستانە و لە نزیکەوە چاودێریی ڕاپرسیی بۆ سەبەخۆیی باشووری کوردستانی کردووە کە دوێنێ دووشەممە، ئەنجام درا، جەختی لە سەرکەوتووییى پڕۆسەی دەنگدان بە سەربەخۆیی کردەوە و ڕایگەیاند، "هەڵوێستی وڵاتان گۆڕانکاری بەسەردا دێ و، پێویستە ددانى پێدانێن."

وەزیری پێشووتری دەرەوەی فەرەنسا لە پرێسکۆنفرانسێکدا کە ئەم بەیانیی سێشەممەیە لە هەولێر ساز درا، رایگەیاند، "دوێنێ دووشەممە رۆژێکی گرینگ بوو بۆ گەلی کوردستان و، جێی سەرسوڕمان نەبوو بۆ ئەوانەی کورد دەناسن."

(کوشنێر) هەروەها رایگەیاند، لە هەڵوێستی وڵاتانی دەوروبەری کوردستان، کە دژایەتیی ریفراندۆمی سەربەخۆییی کوردستان دەکەن، تێدەگات، بەڵام لە هەڵوێستی فەڕەنسا، بەریتانیا و ئەمەریکا تێناگات، کە دوورن لە کوردستان و، پێش سەدەیەک رێککەوتنێکیان بۆ دابەشکردنی کوردستان کردووە.
ئەو دیپلۆماتکارەی پێشووتری فەرەنسا، جگە لە پیرۆزباییکردن لە کۆمسیۆنی باڵای سەربەخۆی هەڵبژاردن و راپرسی لە هەرێمی کوردستان، کە پرۆسەکەی بە سەرکەوتوویی ئەنجام دا، سەرسوڕمانی خۆی لە هەڵوێستی عێراق نیشان دا، بەوەی کە ئەو حکوومەتە پێش ئەنجامدانی پرۆسەی ریفراندۆمی سەربەخۆییی کوردستان، هەوڵی راگرتنی دا.


(بێرنارد کۆشنێر) ئاماژەی بە بەڵیننامەی سیڤەر کرد، کە تێیدا بەڵێنی دروستکردنی دەوڵەتێکیان بە کورد دا، بەڵام وڵاتانی زلهێز لە ماوەی سەدەیەکدا ئەو بەڵێنەیان جێبەجێ نەکرد.

(کوشنێر)، شەڕی هێزەکانی پێشمەرگەی کوردستانی دژی رێکخراوی تیرۆریستی داعش هێنایە بەر باسەوە و رایگەیاند، "وڵاتانی رۆژئاوا ستاییشی پێشمەرگەیان دەکرد لە تێکشکاندنی ئەفسانەی داعش، کەچی لە ماوەی هەفتەیەکدا هەڵوێستیان گۆڕا"، وەک ئەو جەختی کردەوە، ئەوە مانای ئەوە بوو "درۆ"یان لەگەڵ خۆیان دەکرد.

ئەو باوەڕیشی وابوو، کە بە ئەنجامدانی ریفراندۆم، ئیدی قۆناغی گفتوگۆ و دانوستاندنی هەولێر و بەغدا دەست پێ دەکات و، ئەو وڵاتانەی هەڵوێستی تووندیشیان بەرامبەر ریفراندۆم هەبووە، بۆ لۆژیکی عەقڵ دەگەڕێنەوە، هەڵوێستیان دەگۆڕن و لە داخوازیی و ویستی گەلی کوردستان تێ دەگەن."

(کوشنێر)، کە دۆستێکی دێرینی گەلی کوردستانە و لە رۆژە سەختەکانی شۆڕشی رزگاریخوازی گەلی کوردستان هاوکاریی شۆڕشی دەکرد، ئاماژەی بەوەش کرد، کە ئەو ئێستا هاووڵاتی کوردستان نییە، بەڵام "لەوانەیە لە داهاتوودا ببمە هاووڵاتییەکی دەوڵەتی کوردستان."

هەر لەو کۆنفڕانسە ڕۆژنامەوانییەدا، جێگرى سەرۆکى پەرلەمانى کڕواتیا و تۆڕی پەرلەمانتارانی بەریتانیا، جەختیان لە ئازادانە بەڕێوەچوونی پڕۆسەی ڕاپرسی بۆ سەربەخۆیی کردەوە و، ڕایانگەیاند، کە خەڵک ئازادانە دەنگیان دا و، هیچ پێشیلکاریەکیان نەبینىوە.

 




دوایین هەواڵەکان

لە کۆبوونەوەی لایەنەکاندا جەخت لە پتەوکردنی پێگەی حکوومەت و هێنانەئارای یەکڕیزی کرایەوە

SUNDAY, 22 OCTOBER 2017 13:10:06

هەولێر-KDP.info-  لە کۆنفڕانسی ڕۆژنامەوانیی هاوبەشی نێوان لایەنە کوردستانییەکاندا، (مەحموود محەممەد) ئەندامی مەکتەبی سیاسیی پارتی دیموکراتی کوردستان ڕایگەیاند، "یەکڕیزی و پتەوکردنی نێوماڵمان، هەست بەرپرسارەتی و پێویستیی تێپەڕاندنی دۆخەکە، گفتوگۆ لەگەڵ بەغدا، بابەتی سەرەکیی کۆبوونەوەی نێوانمان بووە."

 
سەرکردەیەکی پارتەکەی مێرکل بۆ KDP.info: سبەی سەربازگەیەکی دیکە لە هەرێمی کوردستان دەکەینەوە

SUNDAY, 22 OCTOBER 2017 12:10:29

ئەڵمانیا-KDP.info- سەرکرده‌یەکی پارتی یەکێتی کرستیانەکانی ئەڵمانیا دەڵیت، بە هەموو شێوەیەک هەماهەنگیمان لەگەڵ پێشمەرگە بەردەوامە و مەشقی زیاتر به‌ پێشمەرگە دەکەین، بۆ ئەو مەبەستەش سەربازگەیەکی نوێ کراوەتەوە، هاوکات وەزارەتی پێشمەرگە پشتڕاستی دەکاتەوە.

 
حامید حاجی غالی: فێڵمان لێ کرا

SUNDAY, 22 OCTOBER 2017 12:10:50

هەولێر-KDP.info-  هەندێ لە فەرماندە سەربازییەکانی یەکێتی، دژایەتیی خۆیان بۆ بەدەستەوەدانی کەرکووک و ناوچەکانی دیکەی کوردستان بە حەشدی شەعبی دەردەبڕن و دەڵێن، فێڵیان لێ کراوە، چونکە پێیان گوتراوە "هێزێکی هاوپەیمانان بە هاوئاهەنگیی پێشمەرگە و سوپای عێراق دێتە بنکەی سەربازی کەیوان".

 
خۆپیشاندانەکانی ڕەوەندی كورد درێژەیان دەبێ

SUNDAY, 22 OCTOBER 2017 11:10:38

ئه‌ڵمانیا-KDP.info-  رێكخه‌رێکى خۆپیشاندانه‌كانى ڕەوەندی كورد لە ئەورووپا دەڵێ، دژى داگیركاریى حه‌شدى شه‌عبى به‌ پشتیوانى ئێران بۆ سەر كه‌ركووك و ناوچە كوردستانییەکانی دیکە، له‌ ته‌واوى وڵاتانى ئه‌ورووپادا خۆپیشاندان ساز دەدەن و لە ڕێیەوە په‌یامى گه‌لى كوردستان به‌ گوێێ جیهانیاندا دەدەن.

 
ئێستا بوونمان هەیە و ناومان لە نێو ناوانە

SUNDAY, 22 OCTOBER 2017 10:10:13

حوسێن کوردنەژاد
لە نەخشەی سیاسیی رۆژهەڵاتدا چەندین دیسکۆرس لە مەیداندا بوونیان هەیە. دیسکۆرسی بە هێزی سوننە، رادیکاڵێکی لاوازکراو و سوننەتیێکی خوازیاری ریفۆرمی خاوەن پارە و ئیرادە و هاوپەیمانی نێونەتەوەیی بەهێز، لە پەنای ئەوەدا دیسکۆرسی بەهێزی کۆنەپەرستی شیعە، قەیرانخوڵقێنەر و پەلهاویشتوو لە چەندین وڵاتی ناوچەدا، بێ هاوپەیمان کە ژیانی بەستراوەتەوە بە خوڵقاندنی قەیران، دیسکۆرسێکی بێ داهاتوو، کە ئێران نۆێنەرایەتی دەکات.



 
© 2017 Kurdistan Democratic Party, KDP