Kurdî  ■  كوردی  ■  عربي
SAT, 23 JUN 2018 07:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئامینە زکری: گەل سزای ئەوانەدەدات لە دژی ڕیفڕاندۆمدا کەمپین دروست دەکەن
| KDP.info


هەولێر-KDP.info-  جێگری سەرۆکی فراکسیۆنی پارتی لە پەرلەمانی کوردستان ئاماژەی بۆ ئەوە کرد، دەبێ ڕیفڕاندۆم ھەموو ناکۆکییە سیاسییەکان وەلا بنێت و ھەموو لایەنە سیاسییەکان پێکەوە کار بۆ سەرخستنی پڕۆسەی ڕیفڕاندۆم بکەن. دەشڵێت، ئەوانەی کەمپین دژی ڕیفڕاندۆم پێک دێنن، دادگای گەل سزایان دەدات.

(ئامینە زکری)، بە ماڵپەڕی فەرمیی پارتی دیموکراتی کوردستانی ڕاگەیاند: ''ڕیفڕاندۆم پرسێکی نیشتمانییە و لە سەرووی ھەموو پرسێکەوەیە، کاتێک ئێمە ئاوارە و دەربەدەر بووین و شەھید و قوربانیمان دەدا، قارەمانەکانمان خوێنی خۆیان لەپێناو سەربەخۆییی کوردستاندا دەبەخشی و گیانی خۆیان دەکردە قوربانی و خەباتی ئێمەش ھەر لەو پێناوەدا بەردەوام بووە. بە دیاریکردنی ڕۆژی ڕیفڕاندۆم لە لایەن سەرکردایەتیی کوردستانەوە، دەبێ گوتاری کورد بەرەو گوتارێکی نیشتمانی، نەتەوەیی و یەکڕیزیی نێوماڵی کورد بچێت، دەبێ ڕیفڕاندۆم ھەموو ناکۆکییە سیاسییەکان وەلا بنێت و ھەموو لایەنە سیاسییەکان پێکەوە کار بۆ سەرخستنی پڕۆسەی ڕیفڕاندۆم بکەن، چونکە خەونی ھەموو گەلی کوردستانە.''

(ئامینە زکری) گوتیشی: ''بەداخەوە ھەندێ لایەنی ھەرێمی کوردستان کەمپینی دژی ڕیفڕاندۆمیان دروست کردووە، بە ھەندێ بەھانەی سادە و ساویلکانەوە، کە عەقڵ و لۆژیک ناتوانێ ئەو بەھانە بچووکانە قبووڵ بکات. ئومێدمان ھەیە ئەو کەس و لایەنانە بگەڕێنەوە نێو لایەنەکان بۆ پرسی ڕیفڕاندۆم و ھەرکاتێکیش بێن درەنگ نییە، بەپێچەوانەوە ئەگەر لە ڕیفڕاندۆمدا بەشدار نەبن، ئەوە مێژوو ڕەحم بە کەسمان ناکات و دادگای گەل بە شێوەیەکی دادپەروەرانە سزای ئەو کەسانە دەدات، خۆ ئێمە دڵنیاین چەندین کەمپینیش پێک بێنن، کاریگەرییان لەسەر بۆچوونی نیشتمانپەروەرانەی خەڵکی سلێمانی نابێت.''

قائید میرۆ




دوایین هەواڵەکان

فەرھاد حەمە عەلی: "مەترسی کەوتنی چەند ناوچەیەکی کەرکووک ھەیە"

FRIDAY, 22 JUNE 2018 14:06:21

کەرکووک-KDP.info-  رۆژانە چەکدارانی داعش لە سنووری کەرکووک و دەورووبەری چالاکی ئەنجامدەدەن و گوتەبێژی ئاسایشی کەرکووکیش دەڵێ، ئەگەر کار وا بڕوات ژمارەیەک ناوچەی دیکەی کەرکووک دەکەوێتە دەست داعش و رەوشەکە ئاڵۆزتر دەبێ.

خەسرۆ گۆران: لە نەینەوا پارتی کورسییەک زیاد دەکات

FRIDAY, 22 JUNE 2018 13:06:41

هەولێر-KDP.info-   بە ھەژماردنەوەی دەنگی ھەڵبژاردنەکانی ١٢ی ئایاری پەرلەمانی عێراق پارتی خۆشحاڵە و بەرپرسی دەزگای ھەڵبژاردنیش دەڵێ، ئەوانەی دەنگیان بۆ فەوتاندنی دەنگی پێشمەرگەدا روویان رەشبێت.

چاودێران: "پیلانگێڕەکان شەرمەزار بوونە"

FRIDAY, 22 JUNE 2018 12:06:03

هه‌ولێر-KDP.info-  چاودێرانی سیاسی دەڵێن، پیلانگێڕانی دژی پێشمەرگە بە لایەنی کوردی و عێراقییەوە شەرمەزاربوونە، چونکە دوێنێ پیلانەکەیان سەرکەوتوو نەبوو و لە بەرانبەر ئیڕادەی بەرزی پێشمەرگە شکستی برد.

پەیامی سەرەخۆشیی سەرۆک بارزانی بۆ کەسوکاری شێخ باییز تاڵەبانی

THURSDAY, 21 JUNE 2018 22:06:44

خانەوادەی بەڕێزی خوالێخۆشبوو شێخ باییز تاڵەبانی

بەداخەوە هەواڵی کۆچی دوایی وەزیری پێشووی ئابووری و دارایی حكوومەتی هەرێمی كوردستان، شێخ باییز تاڵەبانی – مان پێگەییشت.

بەو بۆنە خەمناكەوە پرسە و سەرەخۆشیی خۆم و ئاراستەی خانەوادە بەڕێزەکەتان دەکەم و خۆم بە هاوبەشی خەمتان دەزانم.

پەیامی سەرەخۆشیی سەرۆک بارزانی بۆ کەسوکاری مەلاحاجی دێلۆیی

THURSDAY, 21 JUNE 2018 22:06:01

خانەوادەی بەڕێزی خوا لێخۆشبوو مەلاحاجی دێلۆیی

بەداخەوە هەواڵی کۆچی دوایی پێشمەرگە و کادیری ماندوویینەناسی هەردوو شۆڕشی مەزنی ئەیلوول و گوڵانمان پێ گەیشت.



 
© 2018 Kurdistan Democratic Party, KDP