Kurdî  ■  كوردی  ■  عربي
THU, 21 JUN 2018 09:42 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Êzdî û Şebek: Em ji referandumê re amade ne..Em naxwazin ligel Iraqê bin
| KDP.info


Deşta Neynewa-KDP.info- Kurdên Êzdî û Şebek li Deşta Neynewa dixwazin deşta wan bibe parêzgehek û bikeve ser Herêma Kurdistanê de. Herwiha piştgiriya referanduma Kurdistanê dikin û dibêjin ew amade ne ku referandum li navçeyên wan jî bên kirin.

Nûnerê Kurdên Şebek di Parlamentoya Iraqê de, Salim Şebek ji malpera KDP.info re ragihand: “Em rijd in li ser wê yekê ku pêwîst e Deşta Neynewa bibe parêzgehek û bikeve ser Herêma Kurdistanê. Em piştevaniyê li kirina referandumê li Deşta Neynewa dikin û herwiha em piştgiriyê li serxwebûna Kurdistanê jî dikin û em dixwazin di nava dewleta Kurdistanê de bin. Li gorî destûra Iraqê jî ji mafê rewa yê Herêma Kurdistanê ye ku biryarê li ser çarenivîsa xwe bide. Lewma jî em dixwazin ligel Herêma Kurdistanê bin, da ku em parastî bin û karesatên din neyên serê me.”

Ji aliyê cografî ve, Şingal nakeve Deşta Neynewa de, lê ew Kurdên Êzdî ên ku gund û navçeyên wan dikevin sînorê Deşta Neynewa de, wek Kurdên Şebek dixwazin Deşta Neynewa bibe parêzgeh û bikeve ser Herêma Kurdistanê.

Kesayetiya Êzdî û parlemanterê berê yê Iraqê Şerîf Silêman ji malpera KDP.info re ragihand: “Piştî biparêzgehbûna Şingalê, biparêzgehbûna Deşta Neynewa jî karekî girîng e, lê pêwîst e parêzgeha vê deştê li ser bingeha cografî û olî û siyasî bê dirustkirin.

Kurdên Êzdî ligel wê yekê ne ku deverên wan bi fermî vegerin ser Herêma Kurdistanê û di referanduma serxwebûna Kurdistanê de beşdar bibin, ji ber ku em naxwazin ligel Iraqê bin.”




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP