Kurdî  ■  كوردی  ■  عربي
THU, 26 APR 2018 08:58 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Emê ji bo serxwebûnê îsal referandumê bikin
| KDP.info


Hewlêr-KDP.info- Şêwirmendê Encumena Asayişa Herêma Kurdistanê Mesrûr Barzanî pêşwaziya şandeke Wezareta Derve ya Berîtanyayê bi Serokatiya wezîrê dewlet bo karûbarên Rojhilata Navîn û Bakûrê Efrîqayê Tobias Martin Ellwood kir û ragihand ku Herêma Kurdistanê ji bo ragihandina serxwebûna xwe, dê îsal referandumê lidar bixe.

Di civînê de ku balyozê Berîtanyayê yê li Iraqê û nunerê hikûmeta Kurdistanê yê li Berîtanyayê jî tê de beşdarbûn behsa têkiliyên du alî yên di navbera Kurdistan û Berîtanyayê û pêşhatên siyasî, leşkerî û qonaxa Iraqa piştî DAIŞê hate kirin.

Di berdewamiya civîna han de Mesrûr Barzanî û şanda Berîtanî tekez li ser girîngiya karên hevbeş yên bo çareser kirina kêşeyên siyasî yên ku beriya şerê dijî DAIŞê hebûn hate kirin û di vê derbarê de Şêwirmendê Encumena Asayişa Herêma Kurdistanê Mesrûr Barzanî got: “Bawerî di navbera pêkhateyên Iraqê de nemaye û mezintirîn kêşe li Iraqê nebûna baweriyê di navbera pêkhate û aliyan de ye, lêbelê têkbirina DAIŞê derfeteke baş diafirêne da ku hewl bo çareserkirina mayînde û rastîn ya tevahiya kêşeyên berê û yên niha yên Iraqê were dayîn.”

Di beşeke din ya civîna han de behsa kêşe û pêşkeftinên heyî yên li Kurdistanê de hate kirin û Mesrûr Barzanî tekez li ser mafên welatiyên Kurdistanê kir û got: “Dê îsal Kurdistan ji bo ragihandina serxwebûnî refrandumê bike, jiber ku dema vê yekê hatiye û part û aliyên siyasî guhdariya daxwazên xelk bikin.”

Ji aliyê xwe ve jî Tobias Martin Ellwood balkêşande ser biryara hikûmeta Berîtanyayê ya bo pêşkêşkirina piştîwaniya leşkerî bo hêzên pêşmerge û tekez li ser dom kirina ew piştîwaniya han kir.

Ellwood herwiha pêngavên heyî yên bo çareser kirina kêşeyên heyî yên li Kurdistanê de jî bi girîng wesif kir û got: ”Dibe ku Kurdistan bibe nimûneyeke baş a demokrasiyê.”

Di dawiya hevdîtina han de her du aliyan tekez li ser bihêztirkirina têkiliyên dualî yên di navbera Berîtanya û Kurdistanê û herwiha dostatiya navbera Kurdistan û Berîtanyayê di şerê dijî terorê de kir.
 




Nûçeyên din

Fraksyona PDKê ji bo bûyerên 16ê Cotmehê daxwaza komîteya lêkolînê kir

WEDNESDAY, 25 APRIL 2018 17:04:17

Hewlêr-KDP.info- Fraksyona Partiya Demokrata Kurdistanê (PDK) li Parlamentoya Kurdistanê daxwaza pêkanîna komîteyeke lêkolînê derbarê bûyerên 16ê Cotmeha 2017 ên li Kerkûk û deverên Kurdistanî yên din de dike.

 
Nêçîrvan Barzanî û şanda Amerîka: Divê hevahengiya me berdewam be

TUESDAY, 24 APRIL 2018 20:04:18

Hewlêr-KDP.info- Serokwezîrê Herêma Kurdistanê Nêçîrvan Barzanî û şandeke leşkerî û dîplomatîk ji Amerîka civiyan û herdû aliyan tekez kirin ku pêwîst e hevahengiya di navbera wan de berdewam be.

 
Amerîka: Em piştevaniyê li Kurdistaneke bihêz û yekgirtî dikin

TUESDAY, 24 APRIL 2018 18:04:58

Hewlêr-KDP.info- Şêwirmendê Encûmena Asayişa Navdewletî Mesrûr Barzanî pêşwazî li general Paul E. Funk û şanda dîplomasî û leşkerî ya Amerîkî kir û di wê hevdîtinê de şanda mêvan tekez kir ku welatê wan piştevaniyê li Kurdistaneke bihêz û yekgirtî dike.

 

 
Referandumçî kî ye?

MONDAY, 23 APRIL 2018 23:04:01

Zikrî Mûsa

Dibêjin ew kesên kar ji referandumê re kirine (referandumçî) ne û divê bên dadgehkirin, lê referandûmçî ew kes in ku natirsin. Ew kes in ku gotinên heq û rast dibêjin. Pilanên dagîrkeran şikandine. Li deştên Zûmar û Rebîhe û Şingal û li Kerkûkê terorîstên DAIŞê şikandine. Referandumçî xwedî dastanên Pirdê û Sihêla ne. Referandumçî rih e, rihê şehîd Husên Mensûr û Mexdîd Herkî û Kake Eta ye, ku canfîda bûn û koylayetî qebûl nedikirin.

Referanduma Başûr, şerm e yan şanazî ye?

MONDAY, 23 APRIL 2018 22:04:00

 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.



 
© 2018 Kurdistan Democratic Party, KDP