Kurdî  ■  كوردی  ■  عربي
MON, 24 APR 2017 04:24 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî bo Sekreterê UN: Nêzîk emê referandoma serxwebûnê bikin
| KDP.info


 

Hewlêr-KDP.info- Serokê Herêma Kurdistanê Mesûd Barzanî di civîna xwe de ligel Sekreterê Neteweyên Yekbûyî (NU) ragihand ku di paşerojeke nêzîd de Başûrê Kurdistanê dê referandoma serxwebûnê lidar bixe, da ku hemû cihan nas bike ku biryara xelkê Kurdistanê li paşeroja wan, çi ye.

 

Îro 30-3-2017 Serokê Herêma Kurdistanê Mesûd Barzanî li Balafirgeha Hewlêrê ya Navdewletî pêşwazî li Sekreterê Giştî yê Neteweyên Yekbûyî Antonio Guteres û şanda pê re kir û piştre civînek lidar xistin.
Di vê civînê de, Antonio Guteres spasiya Serok Barzanî û gelê Kurdistanê kir ku tevî hebûna gelek pirsgirêk û aloziyan mêvandarî li bi sedan hezar koçber kirine. Herwiha rêz û hurmeta xwe ji bo Hêzên Pêşmerge yên ku bi çek û derfetên kêm karîn li terorîstên DAIŞê bidin, nîşan da.

 


Sekreterê UN got ku cîhan ji rola Pêşmerge matmayî maye û hurmeteke mezin ji wan û ji gelê Kurdistanê re digrin, lê mixabin civaka navdewletî li hemberî alîkariya Herêma Kurdistanê kêmxem bûye.
Antonio Guteres tekez kir ku ewê hemû hewlên xwe bide ji bo komkirina piştevaniyeke cîhanî ji bo Herêma Kurdistanê di pirsa koçberan de. Herwiha tekez kir ku rêxistina wan amade ye hevahengî û alîkariyeke temam pêşkêş bike ji bo çareserkirina arîşeyên di navbera Hewlêr û Bexdayê de, nexasim jî di qonaxa piştî DAIŞê de.
Ji aliyê xwe ve, Serok Barzanî bi germî bixêrhatina Sekreterê UN û şanda pê re kir û ragihand ku hatina wê şanda UN bo Kurdistanê cihê dilxweşiya xelkê Kurdistanê ye. Herwiha tekez kir ku alîkariya Kurdistanê ji bo koçberan erkekî mirovî û niştimanî ye û ti hêncet nabin rêgir ji cîbicîkirina wî erkî re.

 


Di berdewamiya axaftina xwe de, Serok Barzanî behsa qehremaniya Hêzên Pêşmerge li dijî terorîstên DAIŞê kir û got ku cihê şanaziyê ye ku efsaneya DAIŞê li ser destê Pêşmerge hat şikestin. Herwiha spasiya Hevpeymaniya Navdewletî û rêxistinên UN kir ku alîkariya Herêma Kurdistanê kirine û ji aliyekî din de kêfxweşiya xwe li ser hevahengiya ewlehî û serbazî ya di navbera Pêşmerge û hêzên Iraqê de nîşan da.
Derbarê paşeroja Herêma Kurdistanê de jî, Serok Barzanî tekez li ser wê yekê kir ku di paşerojeke nêzîk de ewê referandomê lidar bixin da ku hemû cihan nas bike ku biryara xelkê Kurdistanê li paşeroja wan, çi ye.
Her di vê civînê de, behsa rewşa siyasî ya Iraqê û qonaxa piştî DAIŞê û eger û pêşhatên qonaxa piştî azadkirina Mûsilê, hatin kirin.
 




Nûçeyên din

Serok Barzanî û şanda Rewta Sedir rewşa Iraqê gotûbêj kirin

SATURDAY, 22 APRIL 2017 19:04:32

Hewlêr-KDP.info- Serok Barzanî pêşwaziya şandekî bilinda Rewta Sedir kir û di wê hevdîtinê de herdu aliyan ronahî xistin li ser hemahengî û karê hevbeşê hêzên Pêşmergeyên Kurdistanê û hêzên Artêşa Iraqê ku serkeftineke mezin li beranber terorîstan da pêkhatiye.

 
Hikûmeta Kurdistanê roja rojnamevaniya kurdî li rojnamevanan pîroz kir

SATURDAY, 22 APRIL 2017 12:04:04

Hewlêr-KDP.info- Hikûmeta Herêma Kurdistanê roja rojnamevaniya kurdî li hemû rojnamevan û medyakarên Kurdistanê pîroz kir û ragihand, hikûmet bi hemû hêza xwe piştevaniya maf û azadiya rojnamevaniyê û ramanê dike.

 
Serok Barzanî bo rojnamevanan: Piştgiriyê li referandum û serxwebûna Kurdistanê bikin

SATURDAY, 22 APRIL 2017 11:04:50

Hewlêr-KDP.info- Serokê Herêma Kurdistanê Mesûd Barzanî daxwaz ji rojnamevanan kir, ku piştgiriyê bidin proseya referandumê û serxwebûna Başûrê Kurdistanê.

 
Serokê ENKSê: Emê dîsa ofîsên xwe vekin..PKK ji xebata me ditirse

THURSDAY, 20 APRIL 2017 20:04:43

Rojavayê Kurdistanê-KDP.info- Serokê ENKSê Îbrahîm Biro dibêje, zêdetirî 40 ofîs û navendên wan ji aliyê PKKê ve rastî êrişan hatine û ew ofîs hatine girtin, lê ewê dîsa wan ofîsan vekin û li ser xebata xwe berdewam bibin. Herwiha PKK ji ber xebata me ya dîplomatîk rastî tirseke mezin hatiye.

 
Serok Barzanî: Pêşmerge pêşmergeyên Kurdistanê ne, ne yê ti partiyekê ne

THURSDAY, 20 APRIL 2017 19:04:32

Hewlêr-KDP.info- Serokê Herêma Kurdistanê Mesûd Barzanî ligel şanda hevbeş ji dezgeha û Eylûl û Komeleya Pêşmergeyên Dêrîn civiya.

 


 
© 2017 Kurdistan Democratic Party, KDP