Kurdî  ■  كوردی  ■  عربي
SAT, 26 MAY 2018 10:49 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Divê em serxwebûnê bikin xelatek ji bo gelê Kurdistanê
| KDP.info


Hewlêr-KDP.info- Şêwirmendê Civata Ewlekariya Herêma Kurdistanê Mesrûr Barzanî bi boneya hatina cejna Newrozê peyameke pîrozbahiyê belav kir û ragihand, çawa Pêşmerge bi qehremanî û qurbanîdan û welatiyên Kurdistanê jî bi berxwedan astengiyên heyî derbaskirin, pêwîst e aliyên siyasî yên Kurdistanê jî bi yek helwestê jî li hember tevahiya metirsiyan rawestin.

Herwiha di peyama Şêwirmendê Civata Ewlekariya Kurdistanê Mesrûr Barzanî de hat jî, pêwîst e aliyên siyasî yên Kurdistanê pêngavên xwe bileztir bikin, daku li hember xwîna şehîdan, karesatên ku rastî gelê me hatine di enfal û komkujiyan de, dewleta serbixwe bikin xelat û diyarî bo gelê Kurdistanê.

Ev jî tekesta peyama Mesrûr Barzanî ye:
“Sersala Kurdî û cejna netewî ya Newrozê li tevahiya aliyan pîroz dikim
Sersal û cejna netewiya Newrozê li malbetên serfiraz yên şehîdan, Pêşmergeyên leheng û qehreman, karmendên dezgehên ser bi civata ewlekariya Kurdistanê, polîs û tevahiya gelê berxwedêr yê Kurdistanê pîroz dikim û hêviya cejneke xweş û karmeran ji wan re dixwazim.

Niha ku dever di nava guhertinên bilez de ye, hêviya pêşerojeke geş bo gelê me ji me tê kirin, çawa Pêşmerge bi qehremanî û qurbanîdan û welatiyên Kurdistanê jî bi berxwedan astengiyên heyî derbas kirin her wisa jî lazim e tevahiya hêz û aliyên siyasî yên Kurdistanê jî bi yek helwest, yek îrade û bi canê nîştimanperwerî û hezkirin ji xak û netew li hember tevahiya wan metirsiyan rawestin, da ku bikaribin ew qonaxa han derbas bikin û bigehêjin bi xweziyên şehîdan ku xweziya sazmandehî kirina nîştiman û welateke serfiraz û bihêze û lazim e em jî bo vê yekê pêngavên xwe bileztir bikin, daku li hember xwîna şehîdan, karesatên ku rastî gelê me hatine di enfal û komkujiyan de, dewleta serbixwe bikin xelat û diyarî bo gelê Kurdistanê.

Her bi vê minasebeta han daxwaz ji tevahiya dezgehên ewlekarî dikin, weke hertim hişiyar û çav vekirî bin bo dabîn kirina rewşeke aram û biewle bo tevahiya welatiyên hêja û birûmet û ew kesên ku jiber tundûtîjî û şerên deverên din berê xwe dane Kurdistanê.

Şêwirmendê Civata Ewlekariya Kurdistanê
Mesrûr Barzanî
20 Adara 2017”
 




Nûçeyên din

Êdî ev derfeta dawî ye ji Iraqê re..Mercên Kurdan bicîh neyên dê rêyeke din hilbijêrin

THURSDAY, 24 MAY 2018 20:05:19

Hewlêr-KDP.info- Iraqa federal li pêşiya îmtîhan û têsteke mezin e, ku hikûmeta nû ya Iraqê dê wek hikûmetên şikestî yên berê be, yan dê prensîpên federaliyê biparêze. Kurd dê derfeta dawî bidin Iraq û Bexdayê ku vê carê hikûmetek bê avakirin mafê Kurdistanê tê parastî bin. Çavdêrên siyasî dibêjin, Kurd 3 mercên wan hene ku ew jî karê hevbeş, şirkatî û hevsengî ye, eger ev merc pêk neyên dê Iraq bi yekcarî têk biçe û Kurdistan dê rêyeke din hilbijêre.

 
Sozan Amêdî: Hilbijartinan giranî û senga hemû partiyan diyar kir

THURSDAY, 24 MAY 2018 19:05:34

Dihok-KDP.info- Mamosteya zanîngehê û çavdêra siyasî Dr. Sozan Amêdî dibêje, piştî ragihandina encamên hilbijartinên Parlamentoya Iraqê, seng û giraniya hemû aliyên siyasî yên Kurdistanê û yên Iraqê jî diyar bû û piştrast bû ku PDK partiya yekem e li ser astê hemû Iraqê.

 
Mîranî û Balyozê Îranê behsa hevrêziyê di nav Kurdistan û Îranê de kirin

THURSDAY, 24 MAY 2018 18:05:42

Hewlêr-KDP.info- Balyozê Îranê li Bexdayê Îrec Mescidî, îro piştî civîna wî li gel şanda Partiya Demokrat a Kurdistanê got: "Pêwendî û hevrêziyeke me ya baş û dîrokî li gel Herêma Kurdistanê heye".

Mexmûr bûye serbazgeheke mezin ji hêzên Iraqê re

WEDNESDAY, 23 MAY 2018 18:05:32

Mexmûr-KDP.info- Qayimeqamê Mexmûrê Rizgar Mihemed ragihand ku, Mexmûr bûye serbazgeh û navendeke leşkerî ji hêzên Iraqê re, ku tije hêz û çekên giran kirine.

 
Hedar Barzanî: Mehrûmkirina Êzdiyan ji Parlamentoyê jenosîdeke din e

WEDNESDAY, 23 MAY 2018 18:05:17

Hewlêr-KDP.info- Parlamentera PDKê ya nû di Parlamentoya Iraqê de Hedar Barzanî dibêje, li Bexdayê qonaxa bê qonaxa bergiriyê ye li mafê gelê Kurdistanê. Herwiha dibêje, mehrûmkirina Kurdên Êzdî ji Parlamentoya Iraqê û dizîna dengên wan, jenosîdeke din e li hemberî Êzdiyan.

 


 
© 2018 Kurdistan Democratic Party, KDP