Kurdî  ■  كوردی  ■  عربي
SAT, 26 MAY 2018 10:47 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Divê gelê Kurdistanê bigihe serweriya xwe
| KDP.info


Hewlêr-KDP.info- Serokê Herêma Kurdistanê Mesûd Barzanî ji boneya Newroz û serê sala kurdî peyamek belav kir û got; “Divê gelê Kurdistanê bigihe serweriya xwe, xwediyê biryara çarenivîs û jiyana xwe be.”

Serok Barzanî di peyama xwe de bi helkefta cejna Newroz û hatina serê sala kurdî pîrozbahî li hemwelatiyên Kurdistanê, hemû kurdên li derveyê welat û hemû pêkhatên neteweyî û olî yên Kurdistanê kir û got; “Hêviya salekî xweş, pir bi bereket û bexteweriyê ji bo hemû aliyan dixwazim.”

Di berdewama peyama xwe de Serok Barzanî behsa wateya meha Adarê kir û diyar kir, ku ev meh meha serkeftin û xweşî û êşên gelê Kurdistanê bûye.

Serok Barzanî di beerdewama peyama xwe de wiha got: “Li gel wê yekê jî Adar û Newroz ji bo gelê me hêmaya têkbirina zulmê û derketina ronahî û jiyanê dide. Ev yek jî tê wê wateyê, ku qurbanîdan û xebat bi encam û bi berhem dibin.

Di qonaxên dijwarên xebatê de, berxwedan û qurbanîdana gelê Kurdistanê, ji parastina nasnameyê heta têkbirina terorîstên DAIŞê, divê bi encamp bin û pêwîst e ev xebat û destkeft jî tenê gavekê jî paşve neçe. Divê gelê Kurdistanê bigihe serweriya xwe û xwedî biryar û çarenivîs û jiyana xwe be. Ev yek bersîva herî rast û wefaya herî mezin e ji bo xwîna şehîdan û qurbanîdana gel.”

Serokê Herêma Kurdistanê herwiha behsa tekoşîn û rola pêşmerge kir û diyar kir; “Ew berdêlên gelê Kurdistanê daye, ew çanda bilind a pêkvejiyan û lêborînê, herwiha qehremaniya ku pêşmerge tomar kiriye, di çavê cîhanê de ne veşartiye û niha cîhan şanaziyê bi gelê Kurdistanê û pêşmerge dike.”

Serok Barzanî di peyama xwe de ji gelê Kurdistanê xwest hêviya xwe bihêz bigrin û tekez kir, ku dê berxwedan û xweragirî berheman bide.

Di dawiya peyama xwe de Serok Barzanî Newroza malbatên şehîdan û hemû pêşmergeyan jî pîroz kir.




Nûçeyên din

Êdî ev derfeta dawî ye ji Iraqê re..Mercên Kurdan bicîh neyên dê rêyeke din hilbijêrin

THURSDAY, 24 MAY 2018 20:05:19

Hewlêr-KDP.info- Iraqa federal li pêşiya îmtîhan û têsteke mezin e, ku hikûmeta nû ya Iraqê dê wek hikûmetên şikestî yên berê be, yan dê prensîpên federaliyê biparêze. Kurd dê derfeta dawî bidin Iraq û Bexdayê ku vê carê hikûmetek bê avakirin mafê Kurdistanê tê parastî bin. Çavdêrên siyasî dibêjin, Kurd 3 mercên wan hene ku ew jî karê hevbeş, şirkatî û hevsengî ye, eger ev merc pêk neyên dê Iraq bi yekcarî têk biçe û Kurdistan dê rêyeke din hilbijêre.

 
Sozan Amêdî: Hilbijartinan giranî û senga hemû partiyan diyar kir

THURSDAY, 24 MAY 2018 19:05:34

Dihok-KDP.info- Mamosteya zanîngehê û çavdêra siyasî Dr. Sozan Amêdî dibêje, piştî ragihandina encamên hilbijartinên Parlamentoya Iraqê, seng û giraniya hemû aliyên siyasî yên Kurdistanê û yên Iraqê jî diyar bû û piştrast bû ku PDK partiya yekem e li ser astê hemû Iraqê.

 
Mîranî û Balyozê Îranê behsa hevrêziyê di nav Kurdistan û Îranê de kirin

THURSDAY, 24 MAY 2018 18:05:42

Hewlêr-KDP.info- Balyozê Îranê li Bexdayê Îrec Mescidî, îro piştî civîna wî li gel şanda Partiya Demokrat a Kurdistanê got: "Pêwendî û hevrêziyeke me ya baş û dîrokî li gel Herêma Kurdistanê heye".

Mexmûr bûye serbazgeheke mezin ji hêzên Iraqê re

WEDNESDAY, 23 MAY 2018 18:05:32

Mexmûr-KDP.info- Qayimeqamê Mexmûrê Rizgar Mihemed ragihand ku, Mexmûr bûye serbazgeh û navendeke leşkerî ji hêzên Iraqê re, ku tije hêz û çekên giran kirine.

 
Hedar Barzanî: Mehrûmkirina Êzdiyan ji Parlamentoyê jenosîdeke din e

WEDNESDAY, 23 MAY 2018 18:05:17

Hewlêr-KDP.info- Parlamentera PDKê ya nû di Parlamentoya Iraqê de Hedar Barzanî dibêje, li Bexdayê qonaxa bê qonaxa bergiriyê ye li mafê gelê Kurdistanê. Herwiha dibêje, mehrûmkirina Kurdên Êzdî ji Parlamentoya Iraqê û dizîna dengên wan, jenosîdeke din e li hemberî Êzdiyan.

 


 
© 2018 Kurdistan Democratic Party, KDP