Kurdî  ■  كوردی  ■  عربي
THU, 26 APR 2018 08:59 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Çavdêrekî siyasî Êzdî bo PKK: Eger hûn ji Şingalê dernekevin, emê we derxînin
| KDP.info


Almanya-KDP.info- Çavdêrekî siyasî Êzdî dibêje, eger Hêzên Pêşmerge û Hikûmeta Kurdistanê PKK ji Şingalê dernexin, emê wek Êzdî wan devera xwe derxînin.

Wî çavdêrê siyasî yê bi navê Hesen Qewal Reşîd ku kesayetiyekî diyar e di nava Êzdiyan de, ji malpera KDP.info re ragihand: “Hebûna PKK li nava Şingalê bandoreke pir nerênî li ser Êzdiyan dike. Niha li Xanesorê dixwazin rêveberiyeke cuda ji xwe re ava bikin û wê rêveberiyê jî ser bi Kantona Cezîrê ve bikin. PKK hewl dide birayetiya Êzdiyan têk bide. Zarokên 12 salê bi çek dikin û wan dibin Qendîlê.”

Hesen Qewal Reşîd wiha got: “Eger Hêzên Pêşmerge û Hikûmeta Kurdistanê PKK ji Şingalê dernexînin û eger PKK jî bi xwe dernekeve, emê wek Êzdî wan derxînin. Ev cara dawî ye ku em daxwaz ji wan dikin ku ji Şingalê derkevin, ji ber ku êdî Êzdî pir ji wan dilgiran bûne.”

Wî çavdêrê siyasî wiha domand: “Cihê xebata PKKê ne Şingal e, cihê xebata wan Bakurê Kurdistanê yê di bin destê Hikûmeta Tirkiyê, ye. Bila kerem bikin û biçin li wir nîvê xebata Herêma Kurdistanê bikin. Şingal Kurdistanî ye û xwedî Hêzên Pêşmerge ye û ti pêwîstiya Kurdistanê bi PKKê ve tune ye.”

Wî kesayetiya Êzdî ragiahnd: “Êzdî dixwazin ji Bexdayê dûr bikevin û bibin beşek ji Herêma Kurdistanê, ji ber ku bi bawriya me em nikarin ligel dijminê xwe bijîn.”




Nûçeyên din

Fraksyona PDKê ji bo bûyerên 16ê Cotmehê daxwaza komîteya lêkolînê kir

WEDNESDAY, 25 APRIL 2018 17:04:17

Hewlêr-KDP.info- Fraksyona Partiya Demokrata Kurdistanê (PDK) li Parlamentoya Kurdistanê daxwaza pêkanîna komîteyeke lêkolînê derbarê bûyerên 16ê Cotmeha 2017 ên li Kerkûk û deverên Kurdistanî yên din de dike.

 
Nêçîrvan Barzanî û şanda Amerîka: Divê hevahengiya me berdewam be

TUESDAY, 24 APRIL 2018 20:04:18

Hewlêr-KDP.info- Serokwezîrê Herêma Kurdistanê Nêçîrvan Barzanî û şandeke leşkerî û dîplomatîk ji Amerîka civiyan û herdû aliyan tekez kirin ku pêwîst e hevahengiya di navbera wan de berdewam be.

 
Amerîka: Em piştevaniyê li Kurdistaneke bihêz û yekgirtî dikin

TUESDAY, 24 APRIL 2018 18:04:58

Hewlêr-KDP.info- Şêwirmendê Encûmena Asayişa Navdewletî Mesrûr Barzanî pêşwazî li general Paul E. Funk û şanda dîplomasî û leşkerî ya Amerîkî kir û di wê hevdîtinê de şanda mêvan tekez kir ku welatê wan piştevaniyê li Kurdistaneke bihêz û yekgirtî dike.

 

 
Referandumçî kî ye?

MONDAY, 23 APRIL 2018 23:04:01

Zikrî Mûsa

Dibêjin ew kesên kar ji referandumê re kirine (referandumçî) ne û divê bên dadgehkirin, lê referandûmçî ew kes in ku natirsin. Ew kes in ku gotinên heq û rast dibêjin. Pilanên dagîrkeran şikandine. Li deştên Zûmar û Rebîhe û Şingal û li Kerkûkê terorîstên DAIŞê şikandine. Referandumçî xwedî dastanên Pirdê û Sihêla ne. Referandumçî rih e, rihê şehîd Husên Mensûr û Mexdîd Herkî û Kake Eta ye, ku canfîda bûn û koylayetî qebûl nedikirin.

Referanduma Başûr, şerm e yan şanazî ye?

MONDAY, 23 APRIL 2018 22:04:00

 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.



 
© 2018 Kurdistan Democratic Party, KDP