Kurdî  ■  كوردی  ■  عربي
MON, 27 MAR 2017 15:41 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PKK Xanesor kiriye serbazgeh..Belgehên veşartî eşkere dibin
| KDP.info


Hewlêr-KDP.info- Endamekî Serkirdatiya PDKê dibêje, PKK ji sînorê navçeya Raperîn heta bi dighê Kerkûkê destê xwe daye çalakiyên çekdarî. Serokê Encumena Şingalê jî dibêje, PKK Xanesor kiriye serbazgeh.

Necat Hesen ku Berpirsê Şaxa 11 ya PDKê ye li Raperîn, ji malpera KDP.info re ragihand: “Çekdarên PKKê li sînorê me bi azadî û bi otomobîlan tên û diçin. Deverek kontrol kirine ku 42 gundên wê dikevin sînorê me de. Li navçeyên Serşîu û Merdo û Qelatukan û Lêwje …. tevgerên xwe çekdarî dikin.”

Hesen wiha got: “Çekdarên PKKê bi şev tên nava bajarê Qeladizê. Bi çekan tên nava bajaran û digerin. Destê xwe danîne ser bi dehan gundên navçeyê û li cihna xalên kontrolê danîne. Ji Raniye heta bi Koye û Kerkûkê, tevgera wan çekdaran zêde ye.”

Herwiha Serokê Encumena Şingalê amaje bi wê yekê dike ku roj bi roj PKK hêza xwe li Xanesorê zêde dike û dixwaze Şingal û Xanesorê ji Kurdistanê veqetînin.

Li gorî belgehekê ku ketiye destê malpera KDP.info, ji 21-10-2014 ve, Cuma Hesen Usman (Delîl Amed) Berpirsê Ofîsa Pêwendiyên KCKê li Bexdayê razîbûn ji Bexda wergirtiye ku PKK destê xwe deyne ser Şingal û Tilefer. Herwiha Bexda azadî daye PKKê ku çi sîstemekê li ser wê navçeyê feriz bike.

Herwiha di 26-10-2014ê de, şandeke Iraqî bi nihênî serdana bajarê Silêmaniyê kiriye bo berdewamiya têkeliya di navbera Bexda û PKKê de.

Di 11-12-2014ê de, şandeke hevbeş ji asayişa niştimanî ya Iraqê û Îran û PKKê (Delîl Amed û Muqedem Ezîz Şinawe) li Dezgeha Asayişa Niştimanî civyane û behsa têkeliyên di navbera PKK û Îran û Iraqê de kirine.

Serokê Encumena Şingalê Weyis Nayif ji malpera KDP.info re ragohand: “PKK hêzeke mezin ji Rojavayê Kurdistanê aniye Xanesorê. Dixwazin îdareyeke nû li ser Xanesor û Şingalê feriz bikin û wê navçeyê ji Kurdistanê veqetînin. Eşkere ye ku berjewendiyên xelkê cîbicî dikin û Xanesor kirine serbezgehek.”




Nûçeyên din

Êzdî: Karê PKKê tenê ziyan û têkdan e..Me rastiya wan naskiriye

SUNDAY, 26 MARCH 2017 22:03:09

Dihok-KDP.info- Berpirsê Şaxa 20 ya PDKê li Şêxan Mehmûd Êzdî ragihand ku, PKK jibilî zerer û ziyan û têkdanê tiştekî din nake. Herwiha dibêje, êdî Êzdî rastiya PKKê naskirine ku xizmeta wan nake, lewma jî pêwîst e zû ji Şingalê derkeve.

 
Nameyek Kurt ji General Îhsan Nûrî Paşa re

SUNDAY, 26 MARCH 2017 21:03:24

Konê Reş

Xwediyê herêma Kurdava! General Îhsan Nûrî Paşa (1892 – 1976)!

Ezbenî li me bibûre.. Bibûre eger kêmasiyên me hebin, me efû bike, me bibexşîne.. Berî du rojan, di 25 Adara 2017an de, 41 saliya koçkirina te derbas bû, ji mafê te bû ku em te bi gerimbûn bibîr bînin; gul û kulîlkan li ser gora te deynin..

Şingal- 300 çekdarên PKKê tevlî Pêşmerge bûne

SUNDAY, 26 MARCH 2017 17:03:02

Şingal-KDP.info- Fermandarê Pêşmerge li Şingalê Haşim Sîteyî dibêje, cudabûna çekdaran ji PKKê berdewam e û heta niha zêdetirî 300 çekdarên wan veqetiyane û tevlî Hêzên Pêşmerge bûne.

 
Sinûn- 300 malbatên Xanesorê ji tirsa PKKê newêrin vegerin malên xwe

SUNDAY, 26 MARCH 2017 17:03:25

Sinûn-KDP.info- Rêveberê Nahiyeya Sinûnê Nayif Seydo dibêje, ji tirsa PKKê 300 malbatên Xanesorê koçberî ser Çiyayê Şingalê bûne û newêrin vegerin malên xwe.

 
Mûsil- DAIŞê 230 sivîl xistin nav xaniyan û teqandin

SUNDAY, 26 MARCH 2017 17:03:04

Mûsil-KDP.info- Fermandariya Operasyonên Hevpeş derbarê li Mûsilê kuştina 230 sivîlan de ragihand, ku DAIŞê ew kes xistine xaniyan û bi bombeyan xanî teqandine. Fermandariyê îdîa kir, ku şahidên vê bûyerê hene û li ser bombebarana firokeyan ti belgeyek nîne.

 


 
© 2017 Kurdistan Democratic Party, KDP