Kurdî  ■  كوردی  ■  عربي
THU, 21 JUN 2018 07:54 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Amerîka: Şingal ne cihê PKKê ye..PKK girûpeke terorîst e
| KDP.info


Hewlêr-KDP.info- Derbarê hebûna PKKê ya li Şingalê de rêveberiya Trump yekemîn daxuyaniya xwe da û Berdevkê Wezareta Derve ya Amerîkayê Mark Toner ragihand, ku di bereya şer de cihê PKKê nîne û Amerîka jî PKKê weke grûbekê terorîst û biyanî dibîne.

Berdevkê Wezareta Derva ya Amerîkayê Mark Toner di civîneke rojnamevanî de got; “Hikûmeta Herêma Kurdistanê û ya Iraqê derbarê mijara rojavayê Nînowa û bi taybetî jî Şingalê de gotûbêjan dikin. Hewl didin aramî vegere herêmên ji destê DAIŞê hatine rizgarkirin.”

Derbarê aloziya vê dawiyê ya li Şingalê ya di navbera Pêşmergeyên Rojava û grûbekê serbi PKKê de Toner diyar kir; “Em ji rewşê agahdar in û hewldidin aloziyan kêmbikin.”

Mark Toner herwiha got; “Gelek caran me behsa aloziyên bi vî awayî kiriye. Li herêmê bi girêdayê hebûna PKKê gengeşî hene. Bi baweriya me ew de ne cihê PKKê ye û ji aliyê me ve ew grûbekê biyanî û terorîst in.”

Berdevkê Wezareta Derva ya Amerîkayê herwiha ragihand, ku beriya çend rojan Nûnerê Serokê Amerîkayê yê Hevpeymaniya Navdewletî ya li dijî DAIŞê Bret McGurk li Iraqê û Kurdistanê bûye û got; “Em bi berdewamî ligel Iraq, Tirkiye û aktorên Iraqê di nav guftûgoyê de ne. Ji bo nehiştina van tengezariyan bi taybetî jî ligel aliyên kurdî danûstandinê dikin.”

Toner tekez kir, ku ew hewldidin hemû bal li ser şerê DAIŞê bin û pirgirêkên bi vî awayî careke din dernekevin.
 




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP