Kurdî  ■  كوردی  ■  عربي
THU, 21 JUN 2018 07:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Serxwebûna Kurdistanê dê bi diyalogê û dûrî ji tundutîjî pêk were
| KDP.info


 

Hewlêr-KDP.info- Serokê Herêma Kurdistanê Mesûd Barzanî derbarê biryardana li ser çarenûsa Herêma Kurdistanê de li ti ceheke cîhanê yekgirtina bi zorê yan ji hevdû cûdakirin bi zorê serneketiye.

 

Serokê Herêma Kurdistanê Mesûd Barzanî îro roja Şemiyê 11.03.2017 ligel şandeke navendî ya Diyaloga Rafîdeyn civiya ku ji hejmarek kesayetî û rewşembîr, siyasî, parlementer, nivîskar û medyakarên Iraqê pêk hatibû.

 


Di vê civînê de mijarên serxwebûna Kurdistanê û peywendiyên di navbera Herêma Kurdistanê û Iraqê de hatin gotûbêjkirin.
Mesûd Barzanî bal kişand li ser dîroka gelê Kurdistanê li gel dewleta Iraqê û amaje kir ku dewleta Iraqê li ser bingeha pêk anîna mafên ereb, kurd û pêkhateyên dî hatiye avakirin û wiha domand: “Lê belê beşa Kurdistanê bedela vê yekê bi wêrankirina 4 hezar û 500 gundan, enfalkirina 182 hezar kesî, qetlîmakirina 12 hezar kurdên feylî û 8 hezar Barzaniyan û kîmyabarankirina Kurdistanê dan.
Li gel van hemûyan jî gelê Kurdistanê di Şoreşa Îlonê de û qonaxên din ê xebata xwe de yek car jî hêvî bi teqandin û kirdarên dijî xelkê sivîl nekir. Herwiha li Raperîna 1991ê de jî bi navê vekirina rûpeleke nû li gel dewleta Iraqê gelê Kurdistanê dest bi tolhildanê ve nebir.”
Di dirêjahiya axaftina xwe de Serok Barzanî behsa qonaxên piştî rûxana rejîma Beas kir û balkişand li ser hewlên xwe û Sekreterê Giştî yê Yekîtiya Niştimanî ya Kurdistanê (YNK) Celal Telabanî yên bi navê alîkarikirina aliyên Iraqê ji bo nivîsandina destûr bingehîn û pêkanîna Iraqeke demokrat û federal ku têde mafên hemû aliyek parastî û cîgir bibe.
Ji kesên di civînê de Barzanî  behsa vê yekê jî kir ku gelek hewldan aliyên Iraqê sûd ji ezmûna Kurdistanê werbigrin û ber bi tolhildana hevdû ve kes gavan navêjin û şaşiyên berê dûbare nebin, Lê belê bi kirdarî û biryarên hikûmeta Iraqê berevajiya wan bingehan bû ku li destûr de hatibû cîgir kirin û wiha pê de çû: “Kar gihîşt tolhildan û kûrtirbûna eşîrî û dorpêçkirina Pêşmerge û êrişkirina Kurdistanê û birîna debara gelê Kurdistanê. Ev hemû nîşanên wateya şikesta bingeha hevgirtinê bû û gelê Kurdistanê jî ne berpirse ji wê êşa li ser Iraqê de hatiye û berpirsiyariya vê rewşê dikevê ser navend û aliyên Iraqê.”
Serok Barzanî tekez li ser mafê gelê Kurdistanê li biryardana li ser çarenûsa xwe kir û got: “ Li ti cîheke cîhanê yekgirtina bi zorê yan hevdû cûdakirina bi zorê serneketiye.”
Di derbarê vê behsê de Barzanî balkişand li ser serxwebûna Kurdistanê destnîşan kir ku serxwebûn dê dûrî ji tundutîjî û di çarçoveya diyalog û hevdû têgihiştin pêk were û dê bibe bingeha çareserkirina kêşeyan.
Serok Barzanî pêşwaziya hemû cûre diyalog û raguhertinê kir û bi hengavekî gelek baş zanî ji bo hevdû têgihiştin û gihiştina bi encama bi sûd.
Her di vê civînê de beşdariyan dîtin û nêrînên xwe yên di derbarê serxwebûna Kurdistanê û paşaroja navçeyên derveyê Herêma Kurdistanê û qonaxa piştî DAIŞê de ji Serok Barzanî re behs kirin û çend pirsiyarek di derbarê van mijaran pêşkêşî Barzanî kirin.
Di derbarê paşaroja wan navçeyên ku di şerê DAIŞê de pêşmerge azad kirine de Barzanî ev yek dûpatkir ku yi kes û aliyek nikare sîxeyekî diyarîkirî li ser xelkê van navçeyan bisepênê û çarenûsa van navçeyan ji aliyê runiştvanên navçeyê ve dê were diyarkirin.
Serok Barzanî eve jî ji bo beşdariyan şîrove kir ku piştî rûxana rejîma Sedam Hisên baweriyeke tevahî hebû ku dikarin dewleteke federal û demokrat dabimezrê û hemû hewlek jî ji bo vê yekê daye lê belê rûdanên piştî wê nîşan dan ku li Bexda çanda gef û bi pêvek dîtina Kurd û binpêkirina yekgirtinê her berdewam e.
Di dawiya axaftina xwe Barzanî beşdarî ji wê yekê jî agahdar kir ku divê rêz li raya giştî ya Kurdistanê û daxwaz û îradeya wan bê girtin û herwiha tekez jî li ser pêwîstiya rêzgirtina li îrade û daxwaza pêkhatên neteweyî û oliyên Iraqê û paşaroja wan kir.
 




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP