Kurdî  ■  كوردی  ■  عربي
THU, 21 JUN 2018 07:53 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PSK (Bakur): Daxwaza piştevaniyê ji Serok Barzanî kir
| KDP.info


 

Hewlêr-KDP.info- Serokê Herêma Kurdistanê Mesûd Barzanî pêşwaziya şandeke Partiya Sosyalîsta Kurdistanê (Bakur) kir û di wê hevdîtinê de, şanda mêvan ji bo yekxistina nav mala li Tirkiyê, daxwaza piştevaniyê ji Serok Barzanî kir.

Roja çarşem 08.03.2017 li Selahedîn Mesûd Barzanî Serokê Herêma Kurdistanê pêşwaziya Mesûd Tek Sekreterê Giştî yê Partiya Sosyalîsta Kurdistanê (Bakur) û şandekî li gel kir ku ji endamên Desteya Serokayetiya Partiyê pêkhatibûn.
Di vê hevdîtinê de rewşa siyasî û aboriya Tirkiye û her wiha doza Kurd li welatê Tirkiye xistin ber behs û guftûgoyan û ronahî jî xistin li ser wan astengî û gefên li Bakur li ber xebata siyasiya Kurd da heye.
Her di vê civînê de li beranber pêşhatên siyasî tekez li ser yek gotariya aliyên niştimanperwerên Kurd li Tirkiye kirin û bi pêwîst jî zanîn ku diyalog û xebatên aştiyane nexşerêya karê siyasiya Kurd bê li Tirkiye.
Di beşekî dinê vê civînê de şanda mîhvan behsa kar û çalakiyên partiya xwe kirin û helwesta xwe ya di derbarê referanduma li ser destûra Tirkiye xistinrû û daxwaz jî li Serok Barzanî kirin ji bo yekxistina navmala Kurd li Tirkiye piştevanê wan bê.
Di vê hevdîtinê de Serok Barzanî rewşa siyasiya navçeyê û Iraq û paşaroja Kurd li Sûriye û her wiha hevkêşeyên navdewletî û herêmayetiyê şîrove kir û şîretên pêwîst di derbarê doza Kurd li Tirkiye ji bo şanda mîhvan xisterû.




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP