Kurdî  ■  كوردی  ■  عربي
THU, 26 APR 2018 08:58 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Fermandarê Pêşmerge: Em PKK hişyar dikin..Divê ji Şingalê derkevin
| KDP.info


 

Şingal-KDP.info- Berpirsê Eniya Şingalê ya Hêzên Pêşmerge Serbest Lezgîn bi fermî serkirdatiya PKKê hişyar kir ku destê xwe nexin nava karûbarê Şingalê de û eger dest ji wê yekê bernedin dê bacê bidin. Herwiha got ku PKK li cem wan tiştekî biçûk e û bername û pilanên pir mezintir li pêşiya Başûrê Kurdistanê ne, lê eger PKK ji Şingalê dernekeve ewê wan derxînin.

 

Îro Şemiya 4-3-2017 Fermandarê Pêşmerge li Şingalê konferanseke rojnamevanî derbarê rewşa deverê lidar xist û di wê kongreyê 5 çekdarên PKKê rizgar kirin.

Berpirsê Eniya Şingalê ya Hêzên Pêşmerge derbarê bûyerên duhî li Xanesorê zanyariyên nû ji medya re eşkere kirin û tê de ragihand: “Bi ti awayekî em ji PKKê qebûl nakin ku li nava Başûrê Kurdistanê sînoran ji Hêzên Pêşmerge re deyne. Em wan hişyar dikin ku eger pirsgirêkeke din ji Başûrê Kurdistanê re derxînin dê baceke mezin bidin. Em şer ligel kesî nakin û ji aliyê Serok Barzanî ve şerê navxwe hatiye heramkirin, lê li hember wan helwestên PKKê em bêdeng nabin.”

Serbest Lezgîn wiha got: “Bila xelkê Şingalê ji xwe bipirsin ku dê ew çi qezencê bikin eger paşeroja zarokên wan di nava refên PKKê de be? Ji destpêka avabûna PKKê û heta niha jî tenê bustek ji axa Kurdistanê rizgar nekirine. Tenê dixwazin aloziyan ji xelkê Şingalê re derxînin. Eger PKK bixwaze li ser şaşîtiyên xwe berdewam be, em bêdeng nabin, ji ber ku PKK bûye bela ji Başûrê Kurdistanê û xelkê Şingalê re. Me bi awayekî fermî serkirdatiya PKKê hişyar kiriye ku destê xwe nexin nava karûbarê Şingalê de û eger berdewam bin jî dê bacê bidin.”

Wî fermandarê Pêşmerge wiha domand: “Em wek Herêma Kurdistanê li dijî şerê navxwe ne, lê dema xelk bela xwe bifroşin me, em neçar dibin ku bersiva şaşîtiyên wan bidin. PKK nikare hûkim li xelkê Başûrê Kurdistanê bike. Serok Barzanî ji xelkê Şingalê re gotiye hûn bi xwe hûkmê xwe bikin û kes nikare destê xwe deyne ser we. Divê xelkê Şingalê bi xwe biryarê li ser çarenivîsa xwe bidin û Şingal perçeyekî neveqetyayî ye ji Başûrê Kurdistanê û bi awayekî giştî Êzdî û %90 ji xelkê Şingalê jî ligel Herêma Kurdistanê ne. PKK xelk ji her derê anîne Şingalê û ew çekdar kirine, da ku tevliheviyê çêbikin.”

Serbest Lezgîn ragihand: “Gelek keç û kurên Êzdî ji aliyê PKKê ve bi saxî hatine veşartin û revandin. Di dema borî de gelek caran pirsgirêk derdixistin û me jî tehemûl dikir. Ev tiştên ku PKK dike, ne xizmeta PKKê dike û ne jî ya xelkê Şingalê, lê divê ew baş zanibin ku ewê baca wê yekê bidin. Beriya 20 rojan Serokê Herêma kurdistanê Mesûd Barzanî ferman da ku Hêzên Pêşmerge li Sinûn û Xanesorî bicîh bibin, PKK jî komek keç û jin şandin pêşiya wan da ku rêgirî li wan bê kirin, lê me ji PKKê re got ku Hêzên Pêşmerge dikarin li hemû navçeyên Başûrê Kurdistanê hatin û çûyînê bikin û kes nikare rê li pêşiya wan bigire.”

Berpirsê Eniya Şingalê ya Hêzên Pêşmerge wiha got: “Pêşmerge destê wan ji aştiyê re vekiriye. PKK ji bo rawestandina şer pêwendî bi me re kir û me jî şer rawestand. Mixabin hejmarek ciwan bûn qurbanî. PKK dixwest gelek ciwan bên kuştin, da ku navê Pêşmerge kirît bike û navbera Pêşmerge û xelkê Şingalê têk biçe. Em PKK hişyar dikin ku divê ji Şingalê derkevin.”




Nûçeyên din

Fraksyona PDKê ji bo bûyerên 16ê Cotmehê daxwaza komîteya lêkolînê kir

WEDNESDAY, 25 APRIL 2018 17:04:17

Hewlêr-KDP.info- Fraksyona Partiya Demokrata Kurdistanê (PDK) li Parlamentoya Kurdistanê daxwaza pêkanîna komîteyeke lêkolînê derbarê bûyerên 16ê Cotmeha 2017 ên li Kerkûk û deverên Kurdistanî yên din de dike.

 
Nêçîrvan Barzanî û şanda Amerîka: Divê hevahengiya me berdewam be

TUESDAY, 24 APRIL 2018 20:04:18

Hewlêr-KDP.info- Serokwezîrê Herêma Kurdistanê Nêçîrvan Barzanî û şandeke leşkerî û dîplomatîk ji Amerîka civiyan û herdû aliyan tekez kirin ku pêwîst e hevahengiya di navbera wan de berdewam be.

 
Amerîka: Em piştevaniyê li Kurdistaneke bihêz û yekgirtî dikin

TUESDAY, 24 APRIL 2018 18:04:58

Hewlêr-KDP.info- Şêwirmendê Encûmena Asayişa Navdewletî Mesrûr Barzanî pêşwazî li general Paul E. Funk û şanda dîplomasî û leşkerî ya Amerîkî kir û di wê hevdîtinê de şanda mêvan tekez kir ku welatê wan piştevaniyê li Kurdistaneke bihêz û yekgirtî dike.

 

 
Referandumçî kî ye?

MONDAY, 23 APRIL 2018 23:04:01

Zikrî Mûsa

Dibêjin ew kesên kar ji referandumê re kirine (referandumçî) ne û divê bên dadgehkirin, lê referandûmçî ew kes in ku natirsin. Ew kes in ku gotinên heq û rast dibêjin. Pilanên dagîrkeran şikandine. Li deştên Zûmar û Rebîhe û Şingal û li Kerkûkê terorîstên DAIŞê şikandine. Referandumçî xwedî dastanên Pirdê û Sihêla ne. Referandumçî rih e, rihê şehîd Husên Mensûr û Mexdîd Herkî û Kake Eta ye, ku canfîda bûn û koylayetî qebûl nedikirin.

Referanduma Başûr, şerm e yan şanazî ye?

MONDAY, 23 APRIL 2018 22:04:00

 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.



 
© 2018 Kurdistan Democratic Party, KDP