Kurdî  ■  كوردی  ■  عربي
THU, 26 APR 2018 08:59 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Bela xwe nefroşin Kurdistanê Bextiyar Şaxî
| KDP.info


PKK, wek hêzeke ku hergav daxwazên xelkê cîbicî dike, tenê bi fermanekê amade bû hemû hêzên xwe ji navçeya Minbicê vekşîne û vekişandin. Ne xwîna wan hemû ciwanên Kurd ên ku di ber rêjîma Sûriyê dan kuştin, li ber çav girtin û ne jî karîbû gilî bikin, ji ber ku ew erka ku ketibû ser milê wan, êdî bi dawî hatibû û berdêla wê jî wergirtibûn. Lê di nava wan hemû şer û guhertinên Sûriyê de yê ku baca kar û reftarên PKKê da, gelê Kurd e, ku hinek maye destvala vegerin xala destpêkê.

PKK, bi wan karên xwe yên xweferizkirin û tekrewiyê, paşeroja Kurdan li Sûriyê xistiye ber metirsiyê. Li Başûrê Kurdistanê jî xwe kiriye beşek ji wan hewlên xerab ên ku li dijî Kurdistanê tên dan.

Xelkê Şingalê naxwazin ti hêzeke ku xizmeta dagîrkeran dike, li navçeya wan hebe, ew hêz çi Heşda Şeibî be yan Heşda PKKî be. Divê PKK ji navçeya Şingalê derkeve û eger heta niha li gorî gotina wan ji bo bergîriyê li xelkê Şingalê ew hatibûn navçeyê, êdî erkê wan bi dawî bûye û em spasiya wan dikin û daxwazê ji wan dikin ku ji Şingalê derkevin. Ew jî wek çawa Hêzên Pêşmerge çûn Kobanî rizgar kirin û piştî nemana metirsiya DAIŞê vegeriyan û wek PKKê li Şingalê xwe li wir nekirin xwediyê cih û deselatê.

PKK û ew aliyên ku wê dibin û tînin, herwiha ew aliyên Herêma Kurdistanê yên ku ji PKKê re li daholê dixin, divê baş zanibin ku ne berjewendî ş ejîndayên dijminên Kurdistanê û ne jî pîlanên PKK, nikarin rê li pêşiya karwanê serxwebûna Kurdistanê bigirin.

Tiştek bi navê şerê birakujî naqewime, ne Tirkiye dikare û ne jî Îran jî bi riya handana xwe ji bo PKK û dostên wê, dê karibin bighên wê hêviyê. Heriwha dê kes jî nikaribe ejînda û berjewendiyên dijminan li ser Kurdistanê feriz bike. Ji ber ku ew Pêşmergeyên ku pişta DAIŞê şikandin, Kurdistanê diparêz in.




Nûçeyên din

Fraksyona PDKê ji bo bûyerên 16ê Cotmehê daxwaza komîteya lêkolînê kir

WEDNESDAY, 25 APRIL 2018 17:04:17

Hewlêr-KDP.info- Fraksyona Partiya Demokrata Kurdistanê (PDK) li Parlamentoya Kurdistanê daxwaza pêkanîna komîteyeke lêkolînê derbarê bûyerên 16ê Cotmeha 2017 ên li Kerkûk û deverên Kurdistanî yên din de dike.

 
Nêçîrvan Barzanî û şanda Amerîka: Divê hevahengiya me berdewam be

TUESDAY, 24 APRIL 2018 20:04:18

Hewlêr-KDP.info- Serokwezîrê Herêma Kurdistanê Nêçîrvan Barzanî û şandeke leşkerî û dîplomatîk ji Amerîka civiyan û herdû aliyan tekez kirin ku pêwîst e hevahengiya di navbera wan de berdewam be.

 
Amerîka: Em piştevaniyê li Kurdistaneke bihêz û yekgirtî dikin

TUESDAY, 24 APRIL 2018 18:04:58

Hewlêr-KDP.info- Şêwirmendê Encûmena Asayişa Navdewletî Mesrûr Barzanî pêşwazî li general Paul E. Funk û şanda dîplomasî û leşkerî ya Amerîkî kir û di wê hevdîtinê de şanda mêvan tekez kir ku welatê wan piştevaniyê li Kurdistaneke bihêz û yekgirtî dike.

 

 
Referandumçî kî ye?

MONDAY, 23 APRIL 2018 23:04:01

Zikrî Mûsa

Dibêjin ew kesên kar ji referandumê re kirine (referandumçî) ne û divê bên dadgehkirin, lê referandûmçî ew kes in ku natirsin. Ew kes in ku gotinên heq û rast dibêjin. Pilanên dagîrkeran şikandine. Li deştên Zûmar û Rebîhe û Şingal û li Kerkûkê terorîstên DAIŞê şikandine. Referandumçî xwedî dastanên Pirdê û Sihêla ne. Referandumçî rih e, rihê şehîd Husên Mensûr û Mexdîd Herkî û Kake Eta ye, ku canfîda bûn û koylayetî qebûl nedikirin.

Referanduma Başûr, şerm e yan şanazî ye?

MONDAY, 23 APRIL 2018 22:04:00

 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.



 
© 2018 Kurdistan Democratic Party, KDP