Kurdî  ■  كوردی  ■  عربي
MON, 19 FEB 2018 13:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Barzanî: Pêwendiya Îran û Tirkiyê bi serxwebûna me tune ye..Pêwîst e Demirtaş û hevalên wî bên azadkirin
| KDP.info


Hewlêr-KDP.info- Serokê Herêma Kurdistanê Mesûd Barzanî derbarê serxwebûna Kurdistanê û helwesta Tirkiye û Îranê de ragihand, “ev mijar tenê girêdayî Hewlêr û Bexdayê ye û pêwendiya Îran û Tirkiyê pê ve tune ye.” Herwiha got ku, pêwîst e Demirtaş û hevalên wî bên azadkirin.

Serok Barzanî di hevpeyvînekî de ji rojnameya almanî Frankfurter Allgemeine Zeitungle re nêrînên xwe yên derbarê serxwebûna Başûrê Kurdistanê, helwesta welatên cîran û herwiha giştpirsiya li Tirkiyê de anî ziman.
Serokê Herêma Kurdistanê Mesûd Barzanî, Serokomarê Tirkiyê Erdogan weke siyasetmedarekî wêrek bi nav kir û di heman demê de diyar kir, ku ji bo berjewendiya pêvajoya aştiyê pêwîste Hevserokê HDPê Selahattîn Demirtaş û hevalên wî bên berdan.
Rojnameya Frankfurter Allgemeine Zeitung dinivîse, ku kurdên Iraqê dengê xwe didin serxwebûnê, Tirkiye û Iraq jî dixwazin pêşiya welatekî serbixwe yê kurdan bigre.
Li gorî Frankfurter Allgemeine Zeitungê, Mesûd Barzanî jî dixwaze ji bo cudabûna ji Iraqê û ragihandina serxwebûnê giştpirsiyekê bike.
Rojnameya almanî herwiha dinivîse, ku Serokê Herêma Kurdistanê Mesûd Barzanî bi tevê astengî û dijberiyan jî dibêje; “Serxwebûn mafekî me yê sirûştî ye.”
Serok Barzanî nîgeraniya Tirkiye û Îranê ya derbarê serxwebûna Kurdistanê de jî red dike û dibêje; “Ev mijarekî navxweyî ye di navbera me Bexdayê de, ti pêwendiyeke wê bi Îran û Tirkiyê ve nîne. Neteweyek dixwaze bi rêya giştpirsiyê çarenivîsa xwe diyar bike, ku ti pirsgirêka v^’e netewê ligel prensîbên demokrasî û mafên mirovan de nîne.”
Serok Barzanî herwiha di hevpeyvîna xwe de destnîşan dike; “Ji bo pêkanîna giştpirsiyê jî pêwîstiya me bi destûr û destwerdana ti kesan nîne.”
Serok Barzanî amaje bi wê yekê dike, ku êdî ti wateyekê sînorên Iraq û Sûriyê nemane û vê pirsê dike: “Ma em êdî çawa dikarin behsa welatekî yekgirtî li Sûriyê û Iraqê bikin?”
B nêrîna Serok Barzanî dubendî di vir de ye, ku piraniya aliyên siyasî jî dizanin, ku ti wateyekî sînorên fermî yên Iraq û Sûriyê nemane lê hê jî vê rastiyê qebûl nakin.
Serok Barzanî tekez dike, ku ev herdu welat tenê di dîrokê de mane, ew rojên ku herdu welat jî xwedî hikûmetên bihêz ên navendî jî bûn, serve çûye.
Derbarê rola Tirkiyê ya li herêmê jî Mesûd Barzanî behsa rola Recep Tayyip Erdogan dike û hişyarî dide kurdên sûriyê da ku nîgeraniyên Tirkiyê liber çav bigrin.
Serok Barzanî dibêje; “Erdogan wêrekiyeke mezin nîşan da û selamd ku ew dixwaze kurd û tirkan di pêvajoya aştiyê de bigîhîne hev. Lê mixabin niha hinek geşedanên nû li Tirkiyê peyda bûne.”
Serok Barzanî ji bo berjwendiya pêvajoya aştiyê jî daxwaza berdana Hevserokê HDPê Selahattîn Demirtaş û hevalên wî dike.
 




Nûçeyên din

Nêçîrvan Barzanî: Me ligel De Mistura rewşa Efrînê gotûbêj kir

SUNDAY, 18 FEBRUARY 2018 21:02:55

Munich-KDP.info- Serokwezîrê Herêma Kurdistanê Nêçîrvan Barzanî bi Şanderê Netewên Yekgirtî yê bo kirîza Sûriyê Staffan de Mistura re hevdîtin pêk anî û derbarê rewşa Efrînê de bi wî re gotûbêj kir.

 
Nêçîrvan Barzanî: Bila gelê Efrînê zêdetir ziyanan nebîne

SUNDAY, 18 FEBRUARY 2018 21:02:58

Munich-KDP.info- Serokwezîrê Herêma Kurdistanê Nêçîrvan Barzanî ragihand, ku mijara Efrînê mijareke aloz e û pir alî ye û da zanîn, ku daxwaza wan ew e, ku gelê Efrînê zêdetir zirar nebîne.

 
Wezîrê Îtalya: Piştevanî û dostaniya bi Herêma Kurdistanê re berdewam dibe

SATURDAY, 17 FEBRUARY 2018 01:02:44

Munich-KDP.info- Di berdewamiya çalakiyên konferensa emnî li Munich, Nêçîrvan Barzanî Serokwezîrê Herêma Kurdistanê û şandeya pê re, roja 16.02.2018ê. digel Angelino Alfano wezîrê derve yê Îtalyayê civiyan û rola pêşmergeyê Kurdistanê di şerê dijî DAIŞê de bilina hat nirxandin.

 
Nêçîrvan Barzanî û wezîra Norwejê: Divê aramî vegere bo Iraqê

SATURDAY, 17 FEBRUARY 2018 01:02:20

Munich-KDP.info- Di yekem roja konferensa emnî li Munich, Nêçîrvan Barzanî Serokwezîrê Herêma Kurdistanê û şandeya pê re digel Ine Erîksen Soreide wezîra derve ya Norwejê û şandeya pê re civiyan.

 
Nêçîrvan Barzanî û wezîra Almanî rewşa Iraq û Kurdistanê gotûbêj kirin

SATURDAY, 17 FEBRUARY 2018 01:02:06

Munich-KDP.info- Di berdewamiya seredana xwe ya bo Almanyayê û beşdarîkirin di konferensa asayîşa navdewletî li bajarê Munchen, Nêçîrvan Barzanî Serokwezîrê Herêma Kurdistanê, bi amadebûna Mesûr Barzanî Şêwirmendê Encumena Asayişa Herêma Kurdistanê û şandeya pê re, roja 16.02.2018ê, digel Ursula von der Leyen wezîra bergiriyê ya Almanyayê civiyan.

 


 
© 2017 Kurdistan Democratic Party, KDP