Kurdî  ■  كوردی  ■  عربي
SAT, 21 SEP 2019 00:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Encûmena Serkirdayetiya Parêzgeha Hewlêrê ya PDKê tohmetên PÇDK red dike
| KDP.info


Roja pêncşemê hejmarek ji endamên Partiya Çareseriya Demokrat a Kurdistanê (PÇDK) ya ser bi PKKê ve di hewlekê qirêj de, kombûnek li himber Parlamentoya Kurdistanê encam dan û çend tohmetên bê esas rsatî Partiya Demokrat a Kurdistanê (PDK) kirin û daxwaza çarenivîsa wan kesan kirin ku di şerê PKKê yê ser xelkê Herêma Kurdistanê de windanbûne.

 

Li himber wan hewlên wan, em dibêjin ku berî her tiştî ew kî ne? Bi çi mafekî rê didin xwe biaxivin û derewan li ser Herêma Kurdistanê bikin? Girupeke ku muhleta wan bo karê siyasî nîne û dûvikê PKK ye ji bo têkdanê û nerastiyan li Başurê Kurdistanê, bi çi mafekî tê û kombûna encam dide? Gerek pirsyar jê bê kirin, hûn kî ne? Hûn bi destê kê çêbûne û hûn çima çêbûne? Hûn û PKKê we çi destkeft bo gelê Kurd bi dest xistine? Ji bilî têkdanê û tevlihevî û nerastiyê û herwiha çêkirna astengî û aloziyan li pêşiya tevgera rizgarîxwaziya Kurdistanê, we çi kiriye? We ji bîr kiriye ku di dest pêka salên 90an de çawa we bi biryara muxaberatên dewletên derdorê de we şerê gelê Kurd li Kurdistanê kir û bi wê sedemê çawa hejmarek mezin şehîd ketin.

 

Ew dibêjin ku nêzîkî 80 Gerîla li sala 1996 li Hewlêrê hatine kuştin, eger ev gotina wan rast be, pirsa me ev e: 80 Gerîla li nav Hewlêrê çi dikirin? Eger ji bo pilanekê nebe, karê wan çekdaran li Hewlêrê çi bû?. Bi dehan salin ku erdê xelkê dagîr kirine, bacê ji xelkê distînin, jin û zarokên xelkê direvînin û bazirganiyê bi muxedîratan dikin, kê maf daye we hûn Herêma Kurdistanê dagîr bikin? Eger hûn rast bin, çima hûn naçin nav cih û warên xwe çalakiyan encam nadin? Ev yek diyar dike ku hûn bi armanc û bo serêşan û rêgirtinê li serkeftina gelê Kurdistanê bi taybet li Başur, hûn hatine erkdar kirin.

 

Ji bîra kesî naçe ku piştî êrîşa Enfalan ya ku li dijî miletê Kurd li Başur, ku li şûna hûn bergiriyê li Başur bikin we koylayetî ji rejîmê re hilbijart û bo wefadariya xwe ji Baas re we çend pêşmergeyên Başur dan destê rejîma Baas, wek Mihemed Hemdî, Idrîs (Ehmed Kadîr), Nîzar Mihemed Xirabî, Seadulla Avdel, Xalid Wermelî û Nizmî Wermelî. Başe kî li xwîna vana bipirse? PÇDK û PKKê bera persiv bidin, çima we ew şoreşger dan dijmin? Gerek kî bê dagah kirin?

 

Başe jin û zarokên gundê Dêzo bi çi gunehî ser destên we şehîd ketin û piştre we ew di nava malên wan de ew şewitandin? Başe hûnê çawa persiva wan xelkên sivîl û guneh bidin ku bi sedema mînên we şehîd û birîndar bûne?

 

Başe hûnê çawa bersiva kadir û endamên xwe li herçar parçên Kurdistanê bidin ku bi destên we tesfîye û hatine kuştin, belê piştî ku zanîn hûn bi dû çi ketine û hûn ji bo berjewendiya Kurdistanê kar nakin.

 

Em di dawiyê de radighînin ku pêwîste ew sextekar sînorê xwe nasbikin, bese şer firoştin bi Partiya Demokrat a Kurdistanê, sebra me jî sînor jêre heye.

 

Niha xelik û cemawerên Kurdistanê bi awayekî gelek baş ji we û hebûn û armancên we fêm kiriye. Hûn tenê bo têkdanê hatine û karê we yê sereke jî ew e, ku rê li serkeftinên gelê kurd bigrin, lê xeyala we qels û lawaze, û gelê kurdistanê gelekî ji wilo bi hêztire, ku bikeve pişt xizmeta neyaran.

 

Encûmena Serkirdayetiya Parêzgeha Hewlêrê ya Partiya Demokrat a Kurdistanê

17-5-2014




Nûçeyên din

Mesrûr Barzanî bo xwendekarên Kurdistanê: beşdar bin di avakirina Kurdistaneke bihêz de

THURSDAY, 19 SEPTEMBER 2019 23:09:05

Hewlêr-KDP.info- Serokwezîrê Hikûmeta Herêma Kurdistanê, perwerde û fêrkirin, weke ji girîngritîn karên kabîneyê binav kirin û ragihand ku di heyama vê kabîneyê de ew dê girîngiyeke taybet bi xwendina bilind bidin.

 
Nêçîrvan Barzanî û Helbûsî rewşa Iraqê guftûgo kirin

THURSDAY, 19 SEPTEMBER 2019 15:09:25

Birêz Nêçîrvan Barzanî Serokê Herêma Kurdistanê û birêz Mihemed El Helbûsî Serokê Encumena Nûnerên Iraqê rewşa siyasî û emnî ya Iraqê guftûgo kirin û tekez li ser parastina aramiya siyasî û aramiya emnî ya Iraqê û girîngiya berdewamiya diyaloga Hewlêr û Bexda ya ji bo çareserkirina kêşeyan li çarçêweya destûra Iraqê da kirin.

 
Serok Barzanî û Serokê Parlamentoya Iraqê rewşa Iraqê û ya navçeyê gotûbêj kirin

THURSDAY, 19 SEPTEMBER 2019 15:09:26

Hewlêr-KDP.info- Serok Mesûd Barzanî pêşwaziya Serokê Encûmena Nûnerên Iraqê (Parlamentoya Iraqê) kir û di wê hevîdtinê de herdû aliyan rewşa Iraqê û ya navçeyê û pêwesndiyên di navbera Hewlêr û Bexdayê de gotûbêj kirin.

Serok Barzanî û Berhem Salih li ser rewşa navçeyên Kurdistanî yên madeya 140 axivîn

WEDNESDAY, 18 SEPTEMBER 2019 22:09:38

Hewlêr-KDP.info- Serok Mesûd Barzanî pêşwaziya Serokomarê Iraqê Berhem Salih kir û di wê hevdîtinê de herdû aliyan rewşa navçeyên Kurdistanî yên madeya 140 gotûbêj kirin.

 
Mesrûr Barzanî û Berhem Salih: Niha derfeteke baş ji bo çareseriyê heye

WEDNESDAY, 18 SEPTEMBER 2019 22:09:49

Hewlêr-KDP.info- Serokwezîrê Herêma Kurdistanê Mesrûr Barzanî û Serokomarê Iraqê Berhem Salih civiyan û di wê hevdîtinê de herdû aliyan tekez kir ku pêwîst e pirsgirêkên Hewlêr û Bexdayê çareseriyeke bingehîn ji wan re bê dîtin û Destûrê Iraqê bi temamî were cîbicîkirin.

 


 
© 2018 Kurdistan Democratic Party, KDP