Kurdî  ■  كوردی  ■  عربي
MON, 18 NOV 2019 04:33 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Em ji ber rewşa Iraqê gelekî dilgiran in..Nabe guhertina destûr li dijî mafê gelê Kurd be
| KDP.info


 

Hewlêr-KDP.info- Serok Mesûd Barzanî derbarê rewşa niha ya Iraqê peyamek belav kir û tê de got, nabe guhertina destûr li Iraqê bê sepandin û ferizkirina yan bi zorê bê kirin û herwiha di heman demê de jî nabe guhertina destûr bibe sedema paşvekêşiyê ji prensîpên demokrasiyê û herwiha paşvekêşiyê ji mafên gelê Kurd û pêkhatên din.

Ev jî tekesta wê peyamî ye:

“Bi navê xwedayê mezin û dilovan

Di derbarê rewşa siyasî ya niha li Iraqê û nerazîbûn û xwepêşandanên xelkê li dijî Hikûmeta Iraqê, em gelekî dilgiran in ji bo vê rewşa ku derketiye û bi nerîna me tişta ku niha li holê heye ne ya îro ye û ji encama şaşiyên 15 salên derbasbûyî ye. Xelkê Iraqê êş û janeke zêde kişandine û ji mafê welatiyan e ku daxwazên wan hebin û nerazîbûna xwe nîşan bidin. Ji bo vê yekê jî pêwîst e gûh bidin daxwaziyên xelkê. Bi tundutîjî û xwînrijtinê kêşe çareser nabin.

Herwiha yek ji pirsgirêkên mezin ên Iraqê bi cîhnekirina Destûrê Iraqê ye. Eger destûr wekî xwe hatibûya bi cîhkirin, gelek ji wan kêşeyan nedibûn ku berê û niha jî hene.

Ji aliyeke din ve sedema derketina rewşa niha li Iraqê, yasaya hilbijartinan e û ji bo nemana sedema girift û pirsgirêkan, divê yasaya hilbijartinê bi awayekî bê guhertin ku encamên wê nîşanana daxwazên rastîn û dadperwerane yên hemû pêkhateyan be.

Di derbarê daxwaziyên ji bo guhertina destûrê Iraqê, bi nêrîna me nabe guhertina destûr li Iraqê bê sepandin û ferizkirina yan bi zorê bê kirin û herwiha di heman demê de jî nabe guhertina destûr bibe sedema paşvekêşiyê ji prensîpên demokrasiyê û herwiha paşvekêşiyê ji mafên gelê Kurd û pêkhatên din.

Bêguman sîstema demokrasî zêdetir di berjewendiya xelkê Iraqê de ye, ne sîstema dîktatoriyê û hemû guhertinek jî pêwîst e di çarçoveya yasa û mekanîzmên destûrê de be.

Mesûd Barzanî
02.11.2019”




Nûçeyên din

Daxuyaniyek ji Ofîsa Serokwezîrê Herêma Kurdistanê

SUNDAY, 17 NOVEMBER 2019 19:11:37

Hewlêr-KDP.info- Serokê Hikûmeta Herêma Kurdistanê di daxuyaniyekê de nûçeyeke nerast a malpereke Amerîkî red dike û radigihîne, emê riyên yasayî li hember wê nûçeya derew bikar bînin.

 
“Pêngava yekem a yekxistina hêzên Pêşmerge hatiye avêtin”

SUNDAY, 17 NOVEMBER 2019 19:11:06

Hewlêr-KDP.info- Serokê Herêma Kurdistanê Nêçîrvan Barzanî bi xwe serperiştiya yekxistina hêzên Pêşmergeyên Kurdistanê dike û ji bo wê yekê jî komîteyek ji bo yekxistina hêzên Pêşmerge hatiye avakirin.

 
“Jihevnêzîkbûnek di navbera Kurd û Ereb û Turkmanên Kerkûkê de çêbûye”

SUNDAY, 17 NOVEMBER 2019 15:11:32

Kerkûk-KDP.info- Berpirsekî PDK li Kerkûkê dibêje, PDK û YNK kar dikin ku rewşa Kerkûkê baş bikin û parêzgarê ku Hikûmeta Iraqê li ser Kerkûkê daniye, bidin alî.

 
Nêçîrvan Barzanî piştevaniya Herêma Kurdistanê bo aramiya Iraqê tekez dike

WEDNESDAY, 13 NOVEMBER 2019 21:11:47

Bexda-KDP.info- Serokê Herêma Kurdistanê Nêçîrvan Barzanî di hevdîtin û civînên bi partî û aliyên siyasî yên Iraqê re li Bexdayê, tekezî li ser piştevaniya Herêma Kurdistanê bo aramiya ewlehî û siyasî ya Iraqê kir û amadehiya Herêma Kurdistanê bo hevkarî û hevahengiya pêwîst ji bo çareserkirina pirsgirêkan derbirî. 

Nêçîrvan Barzanî û Berhem Salih tekezî li ser aramî û seqamgiriya Iraqê kirin

WEDNESDAY, 13 NOVEMBER 2019 18:11:03

Bexda-KDP.info- Serokê Herêma Kurdistanê Nêçîrvan Barzanî û Serokmarê Iraqê Berhem Salih li Bexdayê civiyan û di wê hevdêtinê de herdû aliyan tekez kirin li ser aramî û seqamgîriya Iraqê.



 
© 2018 Kurdistan Democratic Party, KDP