Kurdî  ■  كوردی  ■  عربي
MON, 18 NOV 2019 04:11 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Dastana Sihêla nehişt Herêma Kurdistanê jinav biçe.. Pêşmerge xwe neçemand
| KDP.info


 

Duhok-KDP.info- Îro Şemeya 26.10.2019, 2 sal bi ser dastana Sihêla de derbas dibe. Ew fermandarê ku di wê dastanê de beşdar bûye dibêje, Dastana Sihêla nehişt hebûn û qewareya Herêma Kurdistanê jinav biçe û Kurdistaniyan xwe neçemandin.

Destpêka Dastanê

25ê Cotmeha 2017, fermandarên Pêşmerge li Sihêla civiyan bi serperiştiya Fermandarê Leşkerê Taybet ê 1 û Gulan Mensûr Barzanî û biryar dan ku heya dilopa dawî ji xwîna xwe şer û bergîriyê di ber Kurdisatnê de bikin.

Roja 26ê Cotmehê hêzeke mezin û bi çekên giran ku pêk hatibû ji hêzên Iraqê û Heşda Şeibî û bi alîkariya hêza hin welatan li navçeya Sihêla li Rojavayê Diclê bicîh bûn û xwe amade kirin ji bo ku êrîş bikin ser Hêzên Pêşmerge û Herêma Kurdistanê.

Fermandarê Pêşmerge Lîwa Behcet Sêlkî ku di wê dastanê de beşdar bû, ji malpera KDP.info re ragihand: “Hêzeke pir mezin û bi çekên giran. 4 fîrqe bûn û bi hezaran serbazên biyanî jî bi wan re bûn. Dixwestin li Sihêla heyfa şerê Pirdê hilînin, ji ber ku başûrê Hewlêrê di şerê Pirdê de hatibûn şikestin û dixwestin heyfa xwe li Sihêla hilînin.”

Hêzên Pêşmerge bi çekên sivik û bi îrade û moraleke mezin di amadebaşiyê de bûn ji bo bergîriyê. Roja 26ê Cotmehê serê sibehê şer destpê kir û hêzên Iraqê û Heşda Şeibî dest bi êrîşê kirin. Lê Hêzên Pêşmerge ji wan re hazir bûn û bi tundî bersiva wan dan. Wan qet bawer nedikir ku Pêşmerge bi vê şêweyê li ber xwe bidin. Ew şer şerê man û nemanê bû.

Pêgeha cografî û ciyosiyasî ya Sihêla

Lîwa Behcet Sêlkî wiha got: “Navçeya Sihêla ji aliyê cografî û ciyosiyasî ve pir girîng e, ew navçeya han 3 welatan bi hev girê dide. Iraq çend armancên wê yên siyasî û abûrî hebûn ji dagîrkirina Sihêla.”

Hatina wê hêzê bo Sihêla piştî şikestina hêzên Iraqê bû li Pirdê, ku dixwestin berê şer biguherin. Li gorî wî fermandarê Pêşmerge, hemû qesta Iraqê ew bû ku Sihêla bigrin û bighên Pêşxabûrê û Herêma Kurdistanê bifetisînin.

Lîwa Behcet Sêlkî wiha domand: “Armanca siyasî û abûrî jî ji şerê Sihêla bo Pêşmerge û Herêma Kurdistanê pir mezin bû, ji ber ku eger ew di şer de biser ketibana, dê heya deriyê Îbrahîm Xelîl jî çûbana û ew derî dagîr kiribana. Lê dema ku nas kirin ku nikarin, xwestin ku deriyekî din li Rebîe vekin.

Îradeya polayî nehişt Kurdistan bikeve

Şer pir gerim bû û fermandarên Pêşmerge digotin “Em xwe naçemînin” û şerê xwe dikirin. Hiştin ku hêzên Iraqê bişkin û paşve bikşên û di dawiyê de Pêşmerge biser ket.

Wî fermandarê Pêşmerge ragihand: “Şer baş dirêj kir û tê de 21 Pêşmerge şehîd bûn. Bi hezaran çekdarên wan hatin kuştin. Pêşmerge biryara man û nemanê dabûn. Bi piştevaniya Serok Barzanî û îradeya gelê me, pilana dijminan jinav çû.”

Lîwa Behcet Sêlkî wiha got: “Hêza wan pir ji ya Pêşmerge mezintir bû. Lê Pêşmerge karî biser bikeve û ew serkeftin pir mezin û dîrokî bû. Piştî wê jî hevsengî hatin guhertin û wê dastana bi serperiştiya Serok Barzanî hişt ku hebûn û qewareya Herêma Kurdistanê ji destê dijminan parastî bimîne.”

 




Nûçeyên din

Daxuyaniyek ji Ofîsa Serokwezîrê Herêma Kurdistanê

SUNDAY, 17 NOVEMBER 2019 19:11:37

Hewlêr-KDP.info- Serokê Hikûmeta Herêma Kurdistanê di daxuyaniyekê de nûçeyeke nerast a malpereke Amerîkî red dike û radigihîne, emê riyên yasayî li hember wê nûçeya derew bikar bînin.

 
“Pêngava yekem a yekxistina hêzên Pêşmerge hatiye avêtin”

SUNDAY, 17 NOVEMBER 2019 19:11:06

Hewlêr-KDP.info- Serokê Herêma Kurdistanê Nêçîrvan Barzanî bi xwe serperiştiya yekxistina hêzên Pêşmergeyên Kurdistanê dike û ji bo wê yekê jî komîteyek ji bo yekxistina hêzên Pêşmerge hatiye avakirin.

 
“Jihevnêzîkbûnek di navbera Kurd û Ereb û Turkmanên Kerkûkê de çêbûye”

SUNDAY, 17 NOVEMBER 2019 15:11:32

Kerkûk-KDP.info- Berpirsekî PDK li Kerkûkê dibêje, PDK û YNK kar dikin ku rewşa Kerkûkê baş bikin û parêzgarê ku Hikûmeta Iraqê li ser Kerkûkê daniye, bidin alî.

 
Nêçîrvan Barzanî piştevaniya Herêma Kurdistanê bo aramiya Iraqê tekez dike

WEDNESDAY, 13 NOVEMBER 2019 21:11:47

Bexda-KDP.info- Serokê Herêma Kurdistanê Nêçîrvan Barzanî di hevdîtin û civînên bi partî û aliyên siyasî yên Iraqê re li Bexdayê, tekezî li ser piştevaniya Herêma Kurdistanê bo aramiya ewlehî û siyasî ya Iraqê kir û amadehiya Herêma Kurdistanê bo hevkarî û hevahengiya pêwîst ji bo çareserkirina pirsgirêkan derbirî. 

Nêçîrvan Barzanî û Berhem Salih tekezî li ser aramî û seqamgiriya Iraqê kirin

WEDNESDAY, 13 NOVEMBER 2019 18:11:03

Bexda-KDP.info- Serokê Herêma Kurdistanê Nêçîrvan Barzanî û Serokmarê Iraqê Berhem Salih li Bexdayê civiyan û di wê hevdêtinê de herdû aliyan tekez kirin li ser aramî û seqamgîriya Iraqê.



 
© 2018 Kurdistan Democratic Party, KDP