Kurdî  ■  كوردی  ■  عربي
MON, 18 NOV 2019 05:18 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî daxwaz ji Encûmena Asayişê dike ku şerê li ser Rojava rawestîne
| KDP.info


Hewlêr-KDP.info- Serokê Herêma Kurdistanê Nêçîrvan Barzanî ragihand, ew ji bo rawestandina şer û naveynkariyê amade û di nava hewldanan de ne. Nêçîrvan Barzanî daxwaz ji civaka navdewletî û Encûmena Asayişa Navdewletî jî dike, ji bo rawestnadina şer û aştiyê rola xwe bilîzin.

Serokê Herêma Kurdistanê, Nêçîrvan Barzanî derbarê operasyona Tirkiyê ya li ser Rojavayê Kurdistanê daxuyaniyek belav kir.

Daxuyaniya Serokê Herêma Kurdistanê bi vî awayî ye:

“Her ji destpêkê ve em ji nêzîk ve çavdêriya rewşê dikin û bi dilgiranî û nîgeranî ve operasyonên serbazî yên Rojhilatê Firatê li Sûriyê dişopînin, bi taybet ku komên tundrew ên opozisyona Sûriyê têde beşdar in. Şer, derî li kuştin û derbiderî û awarebûna xelkê sivîl û çêbûna bê îstiqrariyê li tevahiya navçeyê vedike û gef û metirsiya dubare derketina terorê jî ciddîtir û mezintir dike.

Em, ku me li Herêma Kurdistanê û Iraqê gelek qurbanî dane ji bo têkbirina terorê û me gelek êşên şer dîtine, gelek bi dilgiranî û hestyarî li alozbûna rewşê û têkçûna asayişê û nemana îstiqrarê mêze dikin, ku dibe sedema encamên çaverênekirî û metirsîdar bo navçeyê û cîhanê, lewma bo rawestandina şer û ji bo bidestxistina aramiyê, em di hewldanên berdewam de ne û ji bo hemû navbeynkarî û alîkariyekê amade ne.

Şer û pevçûn tenê alozî, girjî û metirisyê li navçeyê zêde dike, deskeftên têkbirina DAIŞê ji nav dibe û di berjewendiya ti aliyekê de nîne, lewma em daxwaz ji civaka navdewletî û Encûmena Asayişê dikin, ku çareserekî dadperwerane bo pêşeroja Sûriyê bibîne, bi awayekê ku mafê hemû pêkhateyan têde parastî be û bi ciddî rola xwe bo rawestandina şer û dabînkirina îstiqrarê û parastina aştî, diyalog û çareseriya siyasî bilîze û rê neyê dan ku xelkê sivîk derbider û aware bibin.”




Nûçeyên din

Daxuyaniyek ji Ofîsa Serokwezîrê Herêma Kurdistanê

SUNDAY, 17 NOVEMBER 2019 19:11:37

Hewlêr-KDP.info- Serokê Hikûmeta Herêma Kurdistanê di daxuyaniyekê de nûçeyeke nerast a malpereke Amerîkî red dike û radigihîne, emê riyên yasayî li hember wê nûçeya derew bikar bînin.

 
“Pêngava yekem a yekxistina hêzên Pêşmerge hatiye avêtin”

SUNDAY, 17 NOVEMBER 2019 19:11:06

Hewlêr-KDP.info- Serokê Herêma Kurdistanê Nêçîrvan Barzanî bi xwe serperiştiya yekxistina hêzên Pêşmergeyên Kurdistanê dike û ji bo wê yekê jî komîteyek ji bo yekxistina hêzên Pêşmerge hatiye avakirin.

 
“Jihevnêzîkbûnek di navbera Kurd û Ereb û Turkmanên Kerkûkê de çêbûye”

SUNDAY, 17 NOVEMBER 2019 15:11:32

Kerkûk-KDP.info- Berpirsekî PDK li Kerkûkê dibêje, PDK û YNK kar dikin ku rewşa Kerkûkê baş bikin û parêzgarê ku Hikûmeta Iraqê li ser Kerkûkê daniye, bidin alî.

 
Nêçîrvan Barzanî piştevaniya Herêma Kurdistanê bo aramiya Iraqê tekez dike

WEDNESDAY, 13 NOVEMBER 2019 21:11:47

Bexda-KDP.info- Serokê Herêma Kurdistanê Nêçîrvan Barzanî di hevdîtin û civînên bi partî û aliyên siyasî yên Iraqê re li Bexdayê, tekezî li ser piştevaniya Herêma Kurdistanê bo aramiya ewlehî û siyasî ya Iraqê kir û amadehiya Herêma Kurdistanê bo hevkarî û hevahengiya pêwîst ji bo çareserkirina pirsgirêkan derbirî. 

Nêçîrvan Barzanî û Berhem Salih tekezî li ser aramî û seqamgiriya Iraqê kirin

WEDNESDAY, 13 NOVEMBER 2019 18:11:03

Bexda-KDP.info- Serokê Herêma Kurdistanê Nêçîrvan Barzanî û Serokmarê Iraqê Berhem Salih li Bexdayê civiyan û di wê hevdêtinê de herdû aliyan tekez kirin li ser aramî û seqamgîriya Iraqê.



 
© 2018 Kurdistan Democratic Party, KDP