Kurdî  ■  كوردی  ■  عربي
SAT, 21 SEP 2019 08:49 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî bo Konsulê Fransa: Ji ber pêşeroja gelê Kurd li Sûriyê em dilgiran in
| KDP.info


Hewlêr-KDP.info- Serok Mesûd Barzanî pêşwazî li Konsolê Giştî yê Fransa li Hewlêrê kir û di wê hevdîtinê de herdû aliyan rewşa Sûriyê gotûbêj kirin û Serok Barzanî piştgiriya xwe ji bo destpêşxeriya Serokê Fransa nîşan da û ji ber pêşeroja gelê Kurd jî dilgiraniya xwe nîşan da.

Îro Çarşema 04.09.2019 li Selaheddîn Serok Mesûd Barzanî pêşwaziya Olivier Decottignies Konsulê Giştî yê Fransa yê li bajarê Hewlêrê kir.

Di hevdîtinê de ku Sefîn Dizeyî Berpirsê Fermangeha Pêwendiyên Hikûmeta Herêma Kurdistanê û Patrice LEROY Cîgirê Konsulê Giştî yê Fransa amade bûn, Konsulê Giştî yê Fransa li Hewlêr silavên Serok Fransa û Wezîrê Derveyê Fransa gihand Serok Barzanî û kêfxweşiya xwe jî bi hebûna aramiya li Herêma Kurdistanê û destbikarbûna Hikûmeta nû ya Herêma Kurdistanê nîşan da û tekez li ser dostayetiya di navbera gelê Fransa û gelê Kurdistanê de kir.

Herwiha kosulê Fransa ji Serok Barzanî re got ku welatê wî bi erênî ve berê xwe dide baştirbûna pêwendiyên di navbera Hewlêr û Bexdayê de û ragihand ku aramiya Herêma Kurdistanê li cem Fransa girîng e û welatê wan dixwaze pêwendiyan xwe pêş bixe û di piştevaniya Herêma Kurdistanê de jî berdewam dibe.

Ji aliyê xwe ve Serok Barzanî spasî Serok û Wezîrê Derve yê Fransa kir û hêviya serkeftinê ji bo Konsulê nû yê Fransa li Hewlêrê re xwest. Herwiha behsa pêwendî û dostayetiya dîrokî ya di navbera gelê Kurdistanê û gelê Fransa de kir û spasî Serok û Hikûmetên Fransayê kir ku di rojên teng de û di şerê DAIŞê de piştevaniya gelê Kurdistanê bûne û got ku di pêşxistina pêwendiyên di navbera herdû aliyan de ti sînorek tûne ye.

Gefa terorê û rewşa siyasî û pêşhatên dawî yên li ser asta navçeyê û herwiha rewşa Sûriyê, çend mijarên din a vê hevdîtinê bûn û Serok Barzanî jibilî ku piştevaniya xwe ji bo destpêşxeriya Serok Macron ya li ser Sûriyê nîşan da, herwiha dilgiranî û têbîniyên xwe jî yên li ser rewş û pêşaroja gelê Kurd li Sûriyê gihand şanda mêhvan.

Di derbarê gefa DAIŞê û hizra tundiyê de, Serok Barzanî tekez kir ku ew sedemên ku bûne sebeba serhildana DAIŞê û hizra tundiyê hêjî nehatine çareserkirin, ji bo wê yekê jî metirsiya bihêzbûna terorê li holê heye.




Nûçeyên din

Mesrûr Barzanî bo xwendekarên Kurdistanê: beşdar bin di avakirina Kurdistaneke bihêz de

THURSDAY, 19 SEPTEMBER 2019 23:09:05

Hewlêr-KDP.info- Serokwezîrê Hikûmeta Herêma Kurdistanê, perwerde û fêrkirin, weke ji girîngritîn karên kabîneyê binav kirin û ragihand ku di heyama vê kabîneyê de ew dê girîngiyeke taybet bi xwendina bilind bidin.

 
Nêçîrvan Barzanî û Helbûsî rewşa Iraqê guftûgo kirin

THURSDAY, 19 SEPTEMBER 2019 15:09:25

Birêz Nêçîrvan Barzanî Serokê Herêma Kurdistanê û birêz Mihemed El Helbûsî Serokê Encumena Nûnerên Iraqê rewşa siyasî û emnî ya Iraqê guftûgo kirin û tekez li ser parastina aramiya siyasî û aramiya emnî ya Iraqê û girîngiya berdewamiya diyaloga Hewlêr û Bexda ya ji bo çareserkirina kêşeyan li çarçêweya destûra Iraqê da kirin.

 
Serok Barzanî û Serokê Parlamentoya Iraqê rewşa Iraqê û ya navçeyê gotûbêj kirin

THURSDAY, 19 SEPTEMBER 2019 15:09:26

Hewlêr-KDP.info- Serok Mesûd Barzanî pêşwaziya Serokê Encûmena Nûnerên Iraqê (Parlamentoya Iraqê) kir û di wê hevîdtinê de herdû aliyan rewşa Iraqê û ya navçeyê û pêwesndiyên di navbera Hewlêr û Bexdayê de gotûbêj kirin.

Serok Barzanî û Berhem Salih li ser rewşa navçeyên Kurdistanî yên madeya 140 axivîn

WEDNESDAY, 18 SEPTEMBER 2019 22:09:38

Hewlêr-KDP.info- Serok Mesûd Barzanî pêşwaziya Serokomarê Iraqê Berhem Salih kir û di wê hevdîtinê de herdû aliyan rewşa navçeyên Kurdistanî yên madeya 140 gotûbêj kirin.

 
Mesrûr Barzanî û Berhem Salih: Niha derfeteke baş ji bo çareseriyê heye

WEDNESDAY, 18 SEPTEMBER 2019 22:09:49

Hewlêr-KDP.info- Serokwezîrê Herêma Kurdistanê Mesrûr Barzanî û Serokomarê Iraqê Berhem Salih civiyan û di wê hevdîtinê de herdû aliyan tekez kir ku pêwîst e pirsgirêkên Hewlêr û Bexdayê çareseriyeke bingehîn ji wan re bê dîtin û Destûrê Iraqê bi temamî were cîbicîkirin.

 


 
© 2018 Kurdistan Democratic Party, KDP