Kurdî  ■  كوردی  ■  عربي
SAT, 21 SEP 2019 00:09 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Em sozê didin Barzaniyê Nemir û şehîdên Kurdistanê ku emê dilsozî armanc û rêbaza wan bin
| KDP.info


Hewlêr-KDP.info- Polîtburoya PDKê bi boneya 73yemîn salvegera damezrandina PDK peyamek belav kir û tê de dibêje: “Em rijd in li ser azadîxwazî û kurdîtiyê. Em rijd in li ser parastin û bihêzkirina Kurdistanê. Em sozê didin rêber û damezrênerê partiya xwe Mistefa Barzanî û Kekê Îdrîs Barzanî û hemû şehîdên PDKê û şehîdên rêya rizgariya Kurdistanê, ku emê heya bi destveanîna wan armancên ku canê xwe di ber de dan, dilsozê rêbaza wan bin.”

Polîtburoya PDKê di peyama xwe de dibêje: “Beriya 73 salan, PDK hat meydanê ji bo ku bibe hêvî û omîd ji neteweyekê re. PDK wek pêwîstiyeke dîrokî bû, ku dengê azadîxwaziyê yê gelekî bêmaf bû. PDK hat avakirin ji bo ku neteweya Kurdî bibe xwedî pêgehekê ku hêjayî be. PDK bû zengê zelal ji redkirina bindestiyê re. PDK bi îlhama rêbaza Barzaniyê nemir û bi sûdwergirtinê ji kiltûra dêrîn a şoreşgêrên neteweya me, hat avakirin. PDK çarçoveyeke mirovî û serdemayane ji bo kurdîtiyê vejand. Neyarên Kurdan jî qet nikarîbûn ji me re bêjin terorîst û tundrew. PDK ji serî de ket ser rêya xebata siyasî û sivîl û miletî, heya em nehatin neçarkirin û derî li pêşiya me nehatin girtin, me dest bi xebata çekdarî nekir. PDK karî bibe mal ji hemû netewe û ol û mezhebên Kurdistanê re û karî hemû aliyan bike yek dest di xebatê de.”

Polîtburoya PDKê wiha domand: “PDK karî bi piştevaniya gelê Kurdistanê pêşrewiya tevgera bizava rizgarîxwaz û şoreşên Îlon û Gulanê bike. Karî pêşrewiya karwanê têkoşîna siyasî û pêşmergayetî û dîplomatîk û medyayî û miletî bike. PDK tevî karesat û jenosayda û şerê bi hovînî yê dijminan karî qonax bi qonax mafên gelê Kurdistanê bidestve bîne, û heya roja îro jî PDK bê ku biweste xebatê dike û tevî hemû astengî û girêkan PDK kariye wek çiyayekî serkêşiyê bike di meydanê de. PDK îro ji her demekê zêdetir bergîriyê dike li mafên gelê Kurd û Kurdistanê.”

PDK ragihand: “Îro jî û piştî derbasbûna 73 salan, PDK li ser rêbaza damezrêner û rêberê xwe Barzaniyê nemir û bi serokatiya hêja Serok Mesûd Barzanî bi heman bîr û bawerî, rijd e li ser kurdîtiyê û azadîxwaziyê, rijd e li ser parastin û bihêzkirina Kurdistanê. PDK karî di çend salên derbasbûyî de tevî pilanan û şer û hewlên jinavbirina Herêma Kurdistanê, karî bi moraleke bihêz di rûyê hemû wan hewlan de raweste û nehişt Kurdistan çoga xwe ji kesî re daxe. PDK nehişt armancên wan kesan yên ku xwe jidest dane, bicîh bên û nehişt hebûna yasayî ya Herêma Kurdistanê jinav biçe. PDK karî bi siyaseteke rast û dirust cezayên nerewa ji ser Kurdistanê rabin û qet ji mafên Kurdistanê paş venegeriya.”

Polîtburoya PDKê wiha dibêje: “Niha jî, silogan û armanca me avakirina Kurdistaneke bihêz e. PDK hewl dide ji bo pêşxistina Herêma Kurdistanê û baweriya me bi vê yekê jî bihêz e. Armanca me jî ji geşekirina Herêma Kurdistanê ew e, ku em jiyaneke baştir û hêjatir ji xelkê xwe re peyda bikin û xizmetkirineke baştir ji wan re bikin. Kurdistana bihêz baştirîn garentî ye li hemberî her pêşhat û bûyerekê li ser asta Iraq û navçeyê.”

PDK wiha domand: “Em sozê didin rêber û damezrênerê partiya xwe Mistefa Barzanî û Kekê Îdrîs Barzanî û hemû şehîdên PDKê û şehîdên rêya rizgariya Kurdistanê, ku emê heya bi destveanîna wan armancên ku canê xwe di ber de dan, dilsozê rêbaza wan bin.”




Nûçeyên din

Mesrûr Barzanî bo xwendekarên Kurdistanê: beşdar bin di avakirina Kurdistaneke bihêz de

THURSDAY, 19 SEPTEMBER 2019 23:09:05

Hewlêr-KDP.info- Serokwezîrê Hikûmeta Herêma Kurdistanê, perwerde û fêrkirin, weke ji girîngritîn karên kabîneyê binav kirin û ragihand ku di heyama vê kabîneyê de ew dê girîngiyeke taybet bi xwendina bilind bidin.

 
Nêçîrvan Barzanî û Helbûsî rewşa Iraqê guftûgo kirin

THURSDAY, 19 SEPTEMBER 2019 15:09:25

Birêz Nêçîrvan Barzanî Serokê Herêma Kurdistanê û birêz Mihemed El Helbûsî Serokê Encumena Nûnerên Iraqê rewşa siyasî û emnî ya Iraqê guftûgo kirin û tekez li ser parastina aramiya siyasî û aramiya emnî ya Iraqê û girîngiya berdewamiya diyaloga Hewlêr û Bexda ya ji bo çareserkirina kêşeyan li çarçêweya destûra Iraqê da kirin.

 
Serok Barzanî û Serokê Parlamentoya Iraqê rewşa Iraqê û ya navçeyê gotûbêj kirin

THURSDAY, 19 SEPTEMBER 2019 15:09:26

Hewlêr-KDP.info- Serok Mesûd Barzanî pêşwaziya Serokê Encûmena Nûnerên Iraqê (Parlamentoya Iraqê) kir û di wê hevîdtinê de herdû aliyan rewşa Iraqê û ya navçeyê û pêwesndiyên di navbera Hewlêr û Bexdayê de gotûbêj kirin.

Serok Barzanî û Berhem Salih li ser rewşa navçeyên Kurdistanî yên madeya 140 axivîn

WEDNESDAY, 18 SEPTEMBER 2019 22:09:38

Hewlêr-KDP.info- Serok Mesûd Barzanî pêşwaziya Serokomarê Iraqê Berhem Salih kir û di wê hevdîtinê de herdû aliyan rewşa navçeyên Kurdistanî yên madeya 140 gotûbêj kirin.

 
Mesrûr Barzanî û Berhem Salih: Niha derfeteke baş ji bo çareseriyê heye

WEDNESDAY, 18 SEPTEMBER 2019 22:09:49

Hewlêr-KDP.info- Serokwezîrê Herêma Kurdistanê Mesrûr Barzanî û Serokomarê Iraqê Berhem Salih civiyan û di wê hevdîtinê de herdû aliyan tekez kir ku pêwîst e pirsgirêkên Hewlêr û Bexdayê çareseriyeke bingehîn ji wan re bê dîtin û Destûrê Iraqê bi temamî were cîbicîkirin.

 


 
© 2018 Kurdistan Democratic Party, KDP