Kurdî  ■  كوردی  ■  عربي
SUN, 18 AUG 2019 00:24 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hazim Tehsîn Beg weke Mîrê Nû yê Êzdiyan hat hilbijartin
| KDP.info


Hewlêr-KDP.info- Di merasimeke olî ya taybet de li Perestgeha Lalişê, Hazim Tehsîn Beg, kurê Mîr Tehsîn Beg, weke Mîrê Nû yê Êzdiyan hate hilbijartin û weke mîr sond xwar.

Îro di merasîmekê de li Perestgeha Lalişê, Hazim Tehsîn Beg, kurê Mîr Tehsîn Beg weke Mîrê Nû yê Kurdên Êzdî hat diyarkirin û bi fermî weke Mîrê Êzdiyan dest bi karê xwe kir.

Di destpêka merasimê de, Endamên Civata Ruhanî ya Êzdiyan tevî çend zanayên olî yên Êzdiyan li gel berbijêrê mîrîtiyê, Hazim Tehsîn Beg derbasî nav avahiya Perestgeha Lalişê bûn û ketin civînê. Herwiha her di vê civînê de, cilûbergên mîrîtiyê li Hazim Tehsîn Beg hat kirin.

Hazim Tehsîn Beg weke mîrê nû yê Kurdên Êzdî hat diyarkirin û piştî wergirtina wî postî, cihê bavê xwe Mîr Tehsîn Beg girt.

Piştî merasima sondxwarinê, Mîrê Nû yê Êzdiyên Kurdistanê û Cîhanê, Mîr Hazim Tehsîn Beg ragihand, ku ew dê hemû hewlên xwe bide, ji bo ku xizmeta xelkê Kurdên Êzdî bike û ewê pêwendiyên xwe ligel pêkhateyên din baştir bikin û ewê kar bikin ligel Hikûmeta Herêma Kurdistanê ji bo avedankirinê û xizmeta navçeyên Êzdiyan.

Mîrê Nû yê Êzidiyan herwiha spasiya serkirdatiya siyasî ya Herêma Kurdistanê û bi taybet Serok Mesûd Barzanî, Serokê Herêma Kurdistanê, Nêçîrvan Barzanî û Serokwezîr Mesrûr Barzanî kir, ku herdem alîkar û piştevanê Kurdên Êzidî bûne.

Mîr Hazim Tehsîn Beg herwiha spasiya Hêzên Pêşmerge û xelkê Herêma Kurdistanê jî kir, ku di demên dijwar de xwedî li Êzdiyan derketine.




Nûçeyên din

Hêzên Iraqê nikarin Xaneqîn biparêzin û DAIŞ bi eşkere êrîş dike

SATURDAY, 17 AUGUST 2019 15:08:42

Xaneqîn-KDP.info- Berpirsê Şaxa 15 ya PDK li Xaneqîn Şêx Ceifer Şêx Mistefa dibêje, tevgera DAIŞê li sînorên Xaneqîn pir zêde bûye û niha bi eşkere êrîş dikin û hêzên Iraqê niharin navçeyê biparêzin û ditirsin.

 
Şandek ji Wezareta Pêşmerge ji bo mûçeyê Pêşmerge diçe Bexdayê

SATURDAY, 17 AUGUST 2019 15:08:56

Hewlêr-KDP.info- Biryar e di çend rojên bê de şandeke pilebilind ji Wezareta Pêşmerge serdana Bexdayê bike ji bo gotûbêjkirina pere û mûçeyên Pêşmerge û ji bo gotûbêjkirina tevgera DAIŞê li navçeyên Kurdistanî yên madeya 140.

 
Serok Barzanî û Balyozê Yekîtiya Ewropa civiyan

SATURDAY, 17 AUGUST 2019 15:08:15

Hewlêr-KDP.info- Serok Mesûd Barzanî pêşwaziya Balyozê Yekîtiya Ewropa li Iraqê kir.

Seroka Parlamentoya Kurdistanê pîrozbahî li PDKê kir

THURSDAY, 15 AUGUST 2019 19:08:00

Hewlêr-KDP.info- Bi boneya 73yemîn salvegera damezirandina Partiya Demokrata Kurdistanê (PDK) Dr. Rêwaz Faiq Seroka Parlamentoya Kurdistanê peyameke pîrozabahiyê arasteyî PDKê kir.

Ev jî tekesta peyama Seroka Parlamentoya Kurdistanê ye:

PDK: Em sozê didin Barzaniyê Nemir û şehîdên Kurdistanê ku emê dilsozî armanc û rêbaza wan bin

THURSDAY, 15 AUGUST 2019 19:08:48

Hewlêr-KDP.info- Polîtburoya PDKê bi boneya 73yemîn salvegera damezrandina PDK peyamek belav kir û tê de dibêje: “Em rijd in li ser azadîxwazî û kurdîtiyê. Em rijd in li ser parastin û bihêzkirina Kurdistanê. Em sozê didin rêber û damezrênerê partiya xwe Mistefa Barzanî û Kekê Îdrîs Barzanî û hemû şehîdên PDKê û şehîdên rêya rizgariya Kurdistanê, ku emê heya bi destveanîna wan armancên ku canê xwe di ber de dan, dilsozê rêbaza wan bin.”



 
© 2018 Kurdistan Democratic Party, KDP