Kurdî  ■  كوردی  ■  عربي
SAT, 24 AUG 2019 06:05 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Qaymeqamê Soran: PKK ne li navçeya me be, Tirkiye êrîş û bombebaran nedikir
| KDP.info


---------- Forwarded message ---------
From: Hoshmen Anez <hoshmen.anez@gmail.com>
Date: Mon, Jul 22, 2019 at 1:52 PM
Subject: Kurdissstanii
To: <news@kdp.info>

 

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

Par ji ber şerê PKK û Tirkiyêm hezar û 342 donim daristan û rez û baxên cotkaran li devera Sîdekanê şewitîn. Îsal jî zêdetir ji 800 donim rez û baxên cotkaran li navçeyê şewitîne.

Hacî Resûl ku welatiyekî xelkê derdora Akrê ye û ji ber ber wan êrîşên ser gundê xwe, neçar bûye ku berê xwe bide bajarê Soran, ji malpera KDP.info re dibêje: “Me ji gund û zozanên xwe bar kir û me bi neçarî berê xwe da Soran û em ketine bin konan de. Rewşa navçeyên ser sînor pir xerabe û zevî hemû şewitîne.”

Ehmed Smaîl ku xelkê Herîr e û diçe zozanan, ji malpera KDP.info re ragihand: “Navçeyên me hemû şewitîne û em neçar mane ku dest ji wan zozanan berdin û vegerin. Em daxwaz ji PKK û Tirkiyê dikin ku ew şerê di nava wan de heye li ser axa xwe bikin, da ku careke din xelkê Başûrê Kurdistanê nebin qurbaniyê destê wan.”

Xidir Ebdulah ku ji Soran e, ji malpera KDP.info re ragihand: “Ji ber PKK û bordûmana welatên derdorê, milk û malê me yê ku hebû hemû jidest çû. Genmê me hemû şewitî. Rez û baxên cotkaran hemû şewitîn. Me nikarin careke din biçin ser zeviyê xwe û av bidin. Hermû hişt bûne. Ew jî hemû ji ber hebûna PKK ye li navçeyên me. PKK ne li navçeyê be Tirkiye wir bombebaran û topbaran nake.”

Qaymeqamê Soran Kirmanc Îzet ji malpera KDP.info re ragihand: “Hebûna PKK li sînorê Sîdekan tişteke nerewa û neşeriî ye. Ku ji ber hebûna wê rojane Tirkiye navçeyê topbaran û bombebaran dike û xelkê me şehîd dibin û ziyaneke madî mezin dighê navçeyê. Ev hemû ji ber PKKê ye. Ji ber ku eger ne ji ber PKKê be, Tirkiye êrîş nake û navçeyê topbaran neke.”

Kirmanc Îzet wiha got: “Ji sala a1991ê ve PKK li navçeyên ser sînor ên Başûrê Kurdistanê bicîh bûye, heya niha nikariye tenê gundekî li Bakurê Kurdistanê azad bike. Lewma hebûna PKK li wan navçeyan ziyanê dighîne Kurdan, ji ber ku ew navçe di bin deselata Hikûmeta Herêma Kurdistanê de nemane. Rojane Îran û Tirkiye li navçeyên me didin û xelkê sivîl şehîd û birîndar dibin. Bi hezaran donim zevî û dexil û bax û rezên welatiyan dişewitin û bi milyonan dolar ziyan dighê cotkaran. Ziyaneke mezin dighê geştiyariya Herêma Kurdistanê. PKK li wan navçeyan nebaya dê Hikûmeta Kurdistanê karîba xizmeta wan navçeyan kirba û dê gelek geştiyaran berê xwe daba wir. Lê niha xelkê wan gundan newêrin biçin ser gundê xwe. Li Sîdekan ji nava 263 gundan, tenê 138 gund avedan in. Herwiha tenê ji par û heya niha 5 gund vala bûne. Bi wateya ku 130 gund li wir vala bûne, û niha metirsî li ser 20 gundên din jî heye ku ew jî vala bibin. Ji ber hebûna PKK li navçeyê ji sala 1991ê ve û heya îro zêdetirî 200 welatî şehêd bûne û zêdetirî 500 kesî jî birîndar bûne.”




Nûçeyên din

Hikûmeta Kurdistanê bang li Tirkiye û PKKê dike: Êdî ziyanê neghînin xelkê me

TUESDAY, 20 AUGUST 2019 09:08:27

Hewlêr-KDP.info- Hikûmeta Herêma Kurdistanê bi daxuyaniyekê bang li Hikûmeta Tirkiyê û PKKê kir ku nebin sedema ziyangihandina welatiyên Herêma Kurdistanê.

 
Serokatiya Herêma Kurdistanê teqîna terorîstî ya li Qamişlo şermezar kir

MONDAY, 19 AUGUST 2019 09:08:24

Hewlêr-KDP.info- Serokatiya Herêma Kurdistanê, teqîna îro ya li bajarê Qamişloyê yê Rojavayê Kurdistanê wek "teqîneke terorîstî" bi nav dike û vê teqînê bi tundî şermezar dike.

 
ENKS li ser Navçeya Aram bi Wezareta Derve ya Amerîka re dicive

SUNDAY, 18 AUGUST 2019 15:08:10

Mosko-KDP.info- Berpirsê Ofîsa Pêwendiyên Derve ya ENKSê Kamîran Haco dibêje, şandek ji ENKSê dê derbarê Navçeya Aram û rewşa Rojavayê Kurdistanê û Sûriyê ligel Wezareta Derve ya Amerîka bicive.

 
Hêzên Iraqê nikarin Xaneqîn biparêzin û DAIŞ bi eşkere êrîş dike

SATURDAY, 17 AUGUST 2019 15:08:42

Xaneqîn-KDP.info- Berpirsê Şaxa 15 ya PDK li Xaneqîn Şêx Ceifer Şêx Mistefa dibêje, tevgera DAIŞê li sînorên Xaneqîn pir zêde bûye û niha bi eşkere êrîş dikin û hêzên Iraqê niharin navçeyê biparêzin û ditirsin.

 
Şandek ji Wezareta Pêşmerge ji bo mûçeyê Pêşmerge diçe Bexdayê

SATURDAY, 17 AUGUST 2019 15:08:56

Hewlêr-KDP.info- Biryar e di çend rojên bê de şandeke pilebilind ji Wezareta Pêşmerge serdana Bexdayê bike ji bo gotûbêjkirina pere û mûçeyên Pêşmerge û ji bo gotûbêjkirina tevgera DAIŞê li navçeyên Kurdistanî yên madeya 140.

 


 
© 2018 Kurdistan Democratic Party, KDP