Kurdî  ■  كوردی  ■  عربي
TUE, 16 JUL 2019 07:45 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Çalakvanên Başûr: Bila PKK berjewendiyên Başûrê Kurdistanê li berçav bigre
| KDP.info


Helebçe-KDP.info- Ji ber hebûna çekdarên PKK li navçeyên çiyayî yên Başûrê Kurdistanê berdewam artêşa Tirkiyê axa Herêma Kurdistanê bordûman dike û welatiyên sivîl dibin qurbanî. Çavdêrên siyasî û rojnamevanên Başûrê Kurdistanê dibêjin, bila PKK rewş û berjewendiyên Herêma Kurdistanê li berçav bigre û ji wan navçe û gundan derkevin.

Çavdêrê Siyasî Dilşad Namiq ji malpera KDP.info re wiha got: “Ji ber ku PKK li Başûrê Kurdistanê ye û xwe li vir bihêz û qayim kiriye, berdewam gefan li Tirkiyê dike û Tirkiye jî ji wê hincetê dibîne û artêşa xwe dişîne ser Herêma kurdistanê û balafirên wê jî li gund û navçeyên Herêma Kurdistanê didin û ji ber vê yekê jî ziyaneke mezin dighê mal û canê xelkê wan navçeyan. Mixabin PKK navendên xwe aniye nava gundan û di nava gundan de karê xwe dikin, lewma jî balafir li gundan didin û xelk dibin qurbanî û zevî û baxên wan dişewitin.”

Ehmed Harûnî Çalakvanê di warê civaka sivîl de jî dibêje: “Hebûna PKK li navçeyên avedankirî yên Herêma Kurdistanê sebeba wê yekê ne ku balafirên Tirkiyê berdewam li axa Başûrê Kurdistanê didin, ku di encamê de welatiyên bê gunh dibin qurbanî, lewma jî pêwîst e PKK tevahiya çekdarên xwe ji wan navçeyan dûr bike. Nabe hêzek ku bêje ez xebata netewî dikim û bê û ziyanê bighîne ezmûn û berjewendiya Herêma Kurdistanê.”

Rêbîn Rehîm nivîskar û rojnamevan wiha dibêje; “PKK li Başûrê Kurdistanê kêşe û arîşeyan ji xelkê re derdixin û hincetê dide Tirkiyê ku axa Başûr topbaran bike û axa wê dagîr bike. Ziyanmendê yekem jî Herêma Kurdistanê û xelkê wê ne ji wan êrîşên Tirkiyê. Bila PKK rewş û berjewendiyên Herêma Kurdistanê li berçav bigre û ji wan navçe û gundan derkevin.”

 




Nûçeyên din

Serokê Herêma Kurdistanê li gel şandekî Brîtanî civiya

MONDAY, 15 JULY 2019 23:07:49

Hewlêr-KDP.info- Birêz Nêçîrvan Barzanî Serokê Herêma Kurdistanê li gel birêz General Sir John Lorimer Şêwirmendê Bilindê Wezareta Berevaniya Brîtanya yê Rojhilata Navîn û John Wilkes Balyozê Brîtanya li Iraqê û James Thornton Konsolê Giştî yê nû yê Brîtanya li Herêma Kurdistanê û şandekî li gel, rewşa siyasî û emnî ya Iraqê bi giştî û Herêma Kurdistanê bi taybetî, peywendiyên Hewlêr û Bexda, çareserkirina destûrî ya kêşeyên Hewlêr û Bexda, meşq û rahênana bi hêzên Pêşmerge û berdewamiya çaksazî û reformên li Wezareta Pêşmerge guftûgo kirin.

 
Konsulê Tirkiyê: Em piştevaniyê li hikûmeta nû ya Herêma Kurdistanê dikin

MONDAY, 15 JULY 2019 21:07:18

Hewlêr-KDP.info- Hikûmeta Tirkiyê bi rêya konsulê Tirkiyê li Herêma Kurdistanê piştevaniya xwe ji bo hikûmeta nû ya Herêma Kurdistanê nîşan da û tekez dike li ser bihêzbûn û geşekirina pêwendiyên abûrî ya di navbera Herêma Kurdistanê û Tirkiyê de.

 
Elîko: Amerîka û Fransa ji bo rêkeftina ENKS û PYDê hewl didin

MONDAY, 15 JULY 2019 19:07:45

Duhok-KDP.info- Siyasetmedarê Rojavayê Kurdistanê Fûad Elîko dibêje, hewlên Amerîka û Fransa berdewam in ji bo rêkeftina ENKS û PYDê.

 
Konsulê Amerîka serdana mezarê nemiran li Barzan kir

MONDAY, 15 JULY 2019 19:07:12
Barzan-KDP.info- Şandeke Amerîka bi serokatiya Konsulê Amerêka li Herêma Kurdistanê Stîvin Feygin serdana mezarê nemiran li Barzan kir.
 
Nêçîrvan Barzanî: Rewşa Herêma Kurdistanê baştir dibe û derfetên kar zêdetir dibin

MONDAY, 15 JULY 2019 12:07:48

Hewlêr-KDP.info- Serokê Herêma Kurdistanê Nêçîrvan Barzanî li pêşangeha Rwange ya Derfetên Kar gotarek pêşkêş kir û tê de got, rewşa abûrî ya Herêma Kurdistanê baştir dibe û derfetên kar zêdetir dibin.

 


 
© 2018 Kurdistan Democratic Party, KDP